תְהִלִּיםפ״ג

מחבר המזמור זועק להתערבות האלוהים

א׳
שיר מזמור לאסף אלהים אל דמי לך אל תחרש ואל תשקט אל׃
ב׳
כי הנה אויביך יהמיון ומשנאיך נשאו ראש׃

הקשר נגד עם האלוהים

ג׳
על עמך יערימו סוד ויתיעצו על צפוניך׃
ד׳
אמרו לכו ונכחידם מגוי ולא יזכר שם ישראל עוד׃
ה׳
כי נועצו לב יחדו עליך ברית יכרתו׃

ברית עמי האויב

ו׳
אהלי אדום וישמעאלים מואב והגרים׃
ז׳
גבל ועמון ועמלק פלשת עם ישבי צור׃
ח׳
גם אשור נלוה עמם היו זרוע לבני לוט סלה׃

תפילה למשפט על פי מעשי העבר

ט׳
עשה להם כמדין כסיסרא כיבין בנחל קישון׃
י׳
נשמדו בעין דאר היו דמן לאדמה׃
י״א
שיתמו נדיבמו כערב וכזאב וכזבח וכצלמנע כל נסיכמו׃
י״ב
אשר אמרו נירשה לנו את נאות אלהים׃

המטרה העליונה: גילוי ריבונות האלוהים

י״ג
אלהי שיתמו כגלגל כקש לפני רוח׃
י״ד
כאש תבער יער וכלהבה תלהט הרים׃
ט״ו
כן תרדפם בסערך ובסופתך תבהלם׃
ט״ז
מלא פניהם קלון ויבקשו שמך יהוה׃
י״ז
יבשו ויבהלו עדי עד ויחפרו ויאבדו׃
י״ח
וידעו כי אתה שמך יהוה לבדך עליון על כל הארץ׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options