מִשְׁלֵיל׳

דברי אגור: כותרת

א׳
דברי אגור בן יקה המשא נאם הגבר לאיתיאל לאיתיאל ואכל׃
ב׳
כי בער אנכי מאיש ולא בינת אדם לי׃
ג׳
ולא למדתי חכמה ודעת קדשים אדע׃
ד׳
מי עלה שמים וירד מי אסף רוח בחפניו מי צרר מים בשמלה מי הקים כל אפסי ארץ מה שמו ומה שם בנו כי תדע׃
ה׳
כל אמרת אלוה צרופה מגן הוא לחסים בו׃
ו׳
אל תוסף על דבריו פן יוכיח בך ונכזבת׃

תפילתו של אגור לאיזון

ז׳
שתים שאלתי מאתך אל תמנע ממני בטרם אמות׃
ח׳
שוא ודבר כזב הרחק ממני ראש ועשר אל תתן לי הטריפני לחם חקי׃
ט׳
פן אשבע וכחשתי ואמרתי מי יהוה ופן אורש וגנבתי ותפשתי שם אלהי׃
י׳
אל תלשן עבד אל אדנו פן יקללך ואשמת׃

ארבעה דורות רשעים

י״א
דור אביו יקלל ואת אמו לא יברך׃
י״ב
דור טהור בעיניו ומצאתו לא רחץ׃
י״ג
דור מה רמו עיניו ועפעפיו ינשאו׃
י״ד
דור חרבות שניו ומאכלות מתלעתיו לאכל עניים מארץ ואביונים מאדם׃

משלי מספרים: דברים שאין להם שובע

ט״ו
לעלוקה שתי בנות הב הב שלוש הנה לא תשבענה ארבע לא אמרו הון׃
ט״ז
שאול ועצר רחם ארץ לא שבעה מים ואש לא אמרה הון׃
י״ז
עין תלעג לאב ותבוז ליקהת אם יקרוה ערבי נחל ויאכלוה בני נשר׃

משלי מספרים: סודות התנועה

י״ח
שלשה המה נפלאו ממני וארבע לא ידעתים׃
י״ט
דרך הנשר בשמים דרך נחש עלי צור דרך אניה בלב ים ודרך גבר בעלמה׃
כ׳
כן דרך אשה מנאפת אכלה ומחתה פיה ואמרה לא פעלתי און׃

משלי מספרים: מהפכה בלתי נסבלת

כ״א
תחת שלוש רגזה ארץ ותחת ארבע לא תוכל שאת׃
כ״ב
תחת עבד כי ימלוך ונבל כי ישבע לחם׃
כ״ג
תחת שנואה כי תבעל ושפחה כי תירש גברתה׃

משלי מספרים: יצורים קטנים וחכמים

כ״ד
ארבעה הם קטני ארץ והמה חכמים מחכמים׃
כ״ה
הנמלים עם לא עז ויכינו בקיץ לחמם׃
כ״ו
שפנים עם לא עצום וישימו בסלע ביתם׃
כ״ז
מלך אין לארבה ויצא חצץ כלו׃
כ״ח
שממית בידים תתפש והיא בהיכלי מלך׃

משלי מספרים: הליכה הדרתית

כ״ט
שלשה המה מיטיבי צעד וארבעה מיטבי לכת׃
ל׳
ליש גבור בבהמה ולא ישוב מפני כל׃
ל״א
זרזיר מתנים או תיש ומלך אלקום עמו׃

אזהרות אחרונות מפני מריבה

ל״ב
אם נבלת בהתנשא ואם זמות יד לפה׃
ל״ג
כי מיץ חלב יוציא חמאה ומיץ אף יוציא דם ומיץ אפים יוציא ריב׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options