אֵיכָהה׳

תחינה אל ה׳

א׳
זכר יהוה מה היה לנו הביט וראה את חרפתנו׃
ב׳
נחלתנו נהפכה לזרים בתינו לנכרים׃
ג׳
יתומים היינו אין אב אמתינו כאלמנות׃

חורבן חברתי וגופני

ד׳
מימינו בכסף שתינו עצינו במחיר יבאו׃
ה׳
על צוארנו נרדפנו יגענו לא הונח לנו׃
ו׳
מצרים נתנו יד אשור לשבע לחם׃
ז׳
אבתינו חטאו אינם אנחנו עונתיהם סבלנו׃
ח׳
עבדים משלו בנו פרק אין מידם׃
ט׳
בנפשנו נביא לחמנו מפני חרב המדבר׃
י׳
עורנו כתנור נכמרו מפני זלעפות רעב׃

השפלה ואובדן הכבוד

י״א
נשים בציון ענו בתלת בערי יהודה׃
י״ב
שרים בידם נתלו פני זקנים לא נהדרו׃
י״ג
בחורים טחון נשאו ונערים בעץ כשלו׃
י״ד
זקנים משער שבתו בחורים מנגינתם׃
ט״ו
שבת משוש לבנו נהפך לאבל מחלנו׃
ט״ז
נפלה עטרת ראשנו אוי נא לנו כי חטאנו׃
י״ז
על זה היה דוה לבנו על אלה חשכו עינינו׃
י״ח
על הר ציון ששמם שועלים הלכו בו׃

פנייה אל מלכותו הנצחית של ה׳

י״ט
אתה יהוה לעולם תשב כסאך לדר ודור׃
כ׳
למה לנצח תשכחנו תעזבנו לארך ימים׃
כ״א
השיבנו יהוה אליך ונשוב חדש ימינו כקדם׃
כ״ב
כי אם מאס מאסתנו קצפת עלינו עד מאד׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options