Mistari ya Biblia kuhusu Doubting: General references

Fikiri jinsi ambavyo umewafundisha watu wengi, jinsi ambavyo umeitia nguvu mikono iliyokuwa dhaifu.

Maneno yako yamewategemeza wale waliojikwaa; umeyatia nguvu magoti yaliyokuwa dhaifu.

Lakini sasa hii taabu imekujia wewe, nawe unashuka moyo; imekupiga wewe, nawe unafadhaika.

Je, kumcha Mungu kwako hakupaswi kuwa ndiyo matumaini yako na njia zako kutokuwa na lawama ndilo taraja lako?

Hata kama ningemwita kwenye shauri, naye akakubali, siamini kama angenisikiliza.

Yeye angeniangamiza kwa dhoruba na kuongeza majeraha yangu pasipo na sababu.

Asingeniacha nipumue bali angenifunika kabisa na huzuni kuu.

Kama ni suala la nguvu, yeye ni mwenye nguvu! Kama ni suala la haki, ni nani awezaye kumwita mahakamani?

Hata kama sikuwa na hatia, kinywa changu kingenihukumu; kama sikuwa na kosa, kingenitangaza kuwa mwenye hatia.

“Ingawa mimi sina kosa, haileti tofauti katika nafsi yangu; nauchukia uhai wangu.

Hayo yote ni sawa; ndiyo sababu nasema, ‘Yeye huwaangamiza wasio na makosa pamoja na waovu.’

Wakati pigo liletapo kifo cha ghafula, yeye hudhihaki kule kukata tamaa kwa yule asiye na kosa.

Hiyo ndiyo sababu ninaingiwa na hofu mbele zake; nifikiriapo haya yote ninamwogopa.

Mungu ameufanya moyo wangu kuzimia; yeye Mwenyezi amenitia hofu.

Hata hivyo sijanyamazishwa na giza, wala kwa giza nene linalofunika uso wangu.

“Ee Bwana, ninakulilia wewe lakini hunijibu; ninasimama, nawe unanitazama tu.

Wewe unanigeukia bila huruma; unanishambulia kwa nguvu za mkono wako.

Ee nafsi yangu, kwa nini unasononeka? Kwa nini unafadhaika hivyo ndani yangu? Weka tumaini lako kwa Mungu, kwa sababu bado nitamsifu, Mwokozi wangu na

Mungu wangu. Nafsi yangu inasononeka ndani yangu; kwa hiyo nitakukumbuka kutoka nchi ya Yordani, katika vilele vya Hermoni, kutoka Mlima Mizari.

Hakika nimeuweka moyo wangu safi bure, ni bure nimenawa mikono yangu nisiwe na hatia.

Mchana kutwa nimetaabika, nimeadhibiwa kila asubuhi.

Kama ningesema, “Nitasema hivi,” ningelikuwa nimewasaliti watoto wako.

Nilipojaribu kuelewa haya yote, yalikuwa magumu kwangu kuelewa.

Mpaka nilipoingia patakatifu pa Mungu, ndipo nilipotambua mwisho wao.

“Je, Bwana atakataa milele? Je, hatatenda mema tena?