TRV
סנט מארק י״ג:ז׳-כ״ג
ז׳
ובשמעכם מלחמות ושמעות מלחמה אל תבהלו כי היו תהיה זאת אך לא זאת היא הקץ׃
ח׳
כי יקום גוי על גוי וממלכה על ממלכה והיה רעש כה וכה והיה רעב ומהומה׃
ט׳
אלה ראשית החבלים ואתם השמרו בנפשתיכם כי ימסרו אתכם לסנהדריות והכיתם בבתי כנסיות ולפני משלים ומלכים תובאו למעני לעדות להם׃
י׳
והבשורה צריכה להקרא בראשנה לכל הגוים׃
י״א
וכאשר יוליכו ומסרו אתכם אל תדאגו ואל תחשבו מה תדברו כי הדבר אשר ינתן לכם בשעה ההיא אותו דברו יען לא אתם הם המדברים כי אם רוח הקדש׃
י״ב
ואח ימסר את אחיו למות ואב את בנו וקמו בנים באבותם והמיתו אותם׃
י״ג
והייתם שנואים לכל אדם למען שמי והמחכה עד עת קץ הוא יושע׃
י״ד
וכי תראו את שקוץ משמם הנאמר ביד דניאל הנביא עמד במקום אשר לא לו הקורא יבין אז נוס ינוסו אנשי יהודה אל ההרים׃
ט״ו
ואשר על הגג אל ירד הביתה ואל יבא פנימה לשאת דבר מביתו׃
ט״ז
ואשר בשדה אל ישב הביתה לשאת מלבושו׃
י״ז
ואוי להרות ולמיניקות בימים ההמה׃
י״ח
אך התפללו אשר לא תהיה מנוסתכם בחרף׃
י״ט
כי הימים ההם יהיו עת צרה אשר לא נהיתה כמוה מראשית הבריאה אשר ברא אלהים עד עתה וכמוה לא תהיה עוד׃
כ׳
ולולי קצר יהוה את הימים ההם לא יושע כל בשר אך למען הבחירים אשר בחר בם קצר את הימים׃
כ״א
ואז אם יאמר איש אליכם הנה פה המשיח או הנהו שם אל תאמינו׃
כ״ב
כי יקומו משיחי שקר ונביאי שקר ונתנו אתות ומופתים להתעות אף את הבחירים אם יוכלו׃
כ״ג
ואתם ראו הנה מראש הגדתי לכם את כל׃
Settings