The Lot बद्दल बायबलमधील वचने

दोन बोकडांवर अहरोनाने चिठ्ठ्या टाकाव्या—याहवेहसाठी एक बोकड आणि पाप वाहून नेण्यासाठी दुसरा बोकड.

नंतर याहवेहसाठी चिठ्ठी पडलेल्या बोकडाला अहरोनाने घेऊन यावे आणि पापार्पणाचा बळी म्हणून त्याचा यज्ञ करावा.

परंतु चिठ्ठी टाकून जो दुसरा बोकड आला तो पाप वाहून नेण्यासाठीचा बोकड जिवंत ठेवून याहवेहसमोर आणावा आणि त्याच्यावर प्रायश्चित्ताचा विधी करून, पाप वाहून नेण्यासाठी तो रानात सोडून द्यावा.

जेव्हा शमुवेलने सर्व इस्राएलला त्यांच्या गोत्राप्रमाणे पुढे आणले, बिन्यामीन गोत्राची चिठ्ठी निघाली.

नंतर त्याने बिन्यामीन गोत्राला कुळानुसार पुढे आणले आणि मात्रीच्या कुळाची चिठ्ठी निघाली. शेवटी कीशाचा पुत्र शौल याची निवड झाली. परंतु जेव्हा त्यांनी त्याचा शोध केला, तेव्हा तो कुठेच सापडला नाही.

कोणताही भेदभाव न करता चिठ्ठ्या टाकून विभागण्यात आले, कारण ते एलअज़ार व इथामार या दोन्ही वंशातून घेतलेले मंदिराचे अधिकारी व परमेश्वराचे निवडलेले अधिकारी होते.

लेवी वंशातील नथानेलाचा पुत्र लेखनिक शमायाहने राजाच्या व शासक—याजक सादोक, अबीयाथारचा पुत्र अहीमेलेख व याजक आणि लेवीच्या कुटुंबप्रमुखांसमोर—नावनोंदणी केली. एलअज़ारच्या वंशातील एक कुटुंब व इथामारच्या वंशातील एक कुटुंब घेण्यात आले.

प्रथम चिठ्ठी यहोयारीबच्या नावे आली, दुसरी यदायाह,

तिसरी हारीम, चवथी सोरीम,

पाचवी मल्कीयाह, सहावी मियामीन,

सातवी हक्कोस, आठवी अबीयाह,

नववी येशूआ, दहावी शखन्याह,

अकरावी एल्याशीब, बारावी याकीम,

तेरावी हुप्पाह, चौदावी येशेबियाब,

पंधरावी बिल्गाह, सोळावी इम्मेरा,

सतरावी हेजीरा, अठरावी हप्पिसेसा,

एकोणविसावी पथह्याह, विसावी यहेज्केल,

एकविसावी याखीन, बाविसावी गामूल,

तेविसावी दलायाह, चोविसावी माझियाह.

त्या सर्वांचा पूर्वज अहरोनला याहवेह इस्राएलाच्या परमेश्वराने नेमून दिलेली सेवा विधीनुसार पार पाडण्याची जशी आज्ञा होती, त्याप्रमाणे ते परमेश्वराच्या मंदिरात प्रवेश करीत.

लेवी वंशातील बाकीची संतती पुढीलप्रमाणे होती: अम्रामाचे पुत्र: शूबाएल; शूबाएलाचे पुत्र: यहदायाह.

रहब्याहचे पुत्र: इश्शीयाह प्रथमपुत्र.

इसहारचे पुत्र: शलोमोथ; शलोमोथाचे पुत्र: यहथ.

हेब्रोनाचे पुत्र: यरीयाह प्रथमपुत्र, अमर्‍याह दुसरा, यहजिएल तिसरा व यकमाम चौथा.

उज्जीएलाचे पुत्र: मीखा; मीखाहच्या पुत्रांपैकी: शामीर.