Meteorology and Celestial Phenomena बद्दल बायबलमधील वचने: General references

जमिनीवर अद्याप वनस्पती उगवली नव्हती, कारण याहवेह परमेश्वराने अजून पाऊस पाडला नव्हता आणि जमिनीची मशागत करण्यासाठी कोणी मनुष्य नव्हता.

मात्र जमिनीवरून धुके वर जात असे आणि त्याने जमिनीच्या सर्व पृष्ठभागाचे सिंचन होत असे.

त्याचे वडील इसहाक त्याला उत्तर देत म्हणाले, “तुझे वास्तव्य सुपीक प्रदेशापासून दूर आकाशातील दहिवर पडते तिथून दूर असेल.

ते सूर्याशी बोलतात आणि तो प्रकाशित होत नाही; ते तार्‍यांचा प्रकाश मुद्रित करतात.

परमेश्वर उत्तरेकडील नभोमंडळ मोकळ्या अंतरिक्षावर पसरवितात; आणि पृथ्वी निराधार टांगली आहे.

आपल्या घनदाट मेघांमध्ये ते जल कोंडून ठेवतात, तरीही त्यांच्या वजनाने आभाळ फाटत नाहीत.

परमेश्वराच्या धमकावण्याने आकाशातील स्तंभ थरथरतात, त्यांच्या धाकाने ते भयचकित होतात.

संकटे पुराप्रमाणे त्याला गाठतात; रात्रीचे तुफान त्याच्यापासून सर्वकाही हिसकावून घेते.

पूर्वेचा वारा त्याला वाहून घेऊन जातो आणि तो नाहीसा होतो; त्याच्या स्थानातून तो उडवून टाकला जातो.

कारण परमेश्वर पृथ्वीच्या शेवटापर्यंत पाहू शकतात. आणि आकाशाखालचे सर्वकाही त्यांना दिसते.

जेव्हा त्यांनी वार्‍याची गती स्थापित केली आणि जलांचे माप घेतले,

जेव्हा त्यांनी पावसाला नियम, आणि गर्जणार्‍या विजेला मार्ग आखून दिला,

तेव्हा त्यांनी ज्ञानाकडे पाहून त्याचे मुल्‍यमापन केले; त्याची पुष्टी करून त्याची पारख केली.

माझी मुळे खोल पाण्यापर्यंत पोहचतील, आणि रात्रभर दहिवर माझ्या फांद्यांना भिजवतील.

“ते पाण्याचे थेंब वर आकर्षून घेतात, आणि झर्‍यासाठी त्याचे रूपांतर पावसात करतात;

मेघ आपले दहिवर खाली ओततात आणि मनुष्यांवर भरपूर वृष्टी होते.

ढगांना त्यांनी कसे पसरविले आहे, आपल्या मंडपातून ते कसे गडगडाट करतात हे कोणाला समजते?

पाहा ते कशाप्रकारे आपल्या सभोवती वीज विखरून ठेवतात, आणि समुद्राच्या खोलीला झाकून घेतात.

अशाप्रकारे परमेश्वर राष्ट्रांवर अधिकार करतात आणि विपुलतेने अन्न पुरवितात.

चमकणार्‍या विजेला ते आपल्या हातात भरतात आणि त्याच्या नेमाने तडाखा करण्यास आज्ञा करतात.

त्यांचा गडगडाट येणार्‍या वादळाची घोषणा करते; पशूप्राण्यांना सुद्धा त्यांच्या येण्याचे पूर्वज्ञान होते.

हिमास, ‘तू पृथ्वीवर पड,’ आणि पावसाच्या सरींना, ‘मुसळधार वृष्टी होवो’ असे सांगतात.

त्यांनी निर्माण केलेल्या प्रत्येकाने परमेश्वराचे कार्य ओळखावे, म्हणून ते सर्व लोकांचे कामकाज बंद करतात.

वनपशू लपून राहतात; अथवा त्यांच्या गुहांमध्येच राहतात.

त्यांच्या भवनामधून तुफान येते, आणि वादळी वार्‍यातून थंडी येते.