פסוקים על Trumpet

139 פסוקים · 46 היבטים

פסוקי מפתח

שֹׁפְטִים ז׳:י״ז
ויאמר אליהם ממני תראו וכן תעשו והנה אנכי בא בקצה המחנה והיה כאשר אעשה כן תעשון׃
שֹׁפְטִים ז׳:י״ח
ותקעתי בשופר אנכי וכל אשר אתי ותקעתם בשופרות גם אתם סביבות כל המחנה ואמרתם ליהוה ולגדעון׃
שֹׁפְטִים ז׳:י״ט
ויבא גדעון ומאה איש אשר אתו בקצה המחנה ראש האשמרת התיכונה אך הקם הקימו את השמרים ויתקעו בשופרות ונפוץ הכדים אשר בידם׃
שֹׁפְטִים ז׳:כ׳
ויתקעו שלשת הראשים בשופרות וישברו הכדים ויחזיקו ביד שמאולם בלפדים וביד ימינם השופרות לתקוע ויקראו חרב ליהוה ולגדעון׃
שֹׁפְטִים ז׳:כ״א
ויעמדו איש תחתיו סביב למחנה וירץ כל המחנה ויריעו ויניסו׃
שֹׁפְטִים ז׳:כ״ב
ויתקעו שלש מאות השופרות וישם יהוה את חרב איש ברעהו ובכל המחנה וינס המחנה עד בית השטה צררתה עד שפת אבל מחולה על טבת׃
2 שְׁמוּאֵל ו׳:ה׳
ודוד וכל בית ישראל משחקים לפני יהוה בכל עצי ברושים ובכנרות ובנבלים ובתפים ובמנענעים ובצלצלים׃
2 שְׁמוּאֵל ו׳:ט״ו
ודוד וכל בית ישראל מעלים את ארון יהוה בתרועה ובקול שופר׃
1 מְלָכִים א׳:ל״ד
ומשח אתו שם צדוק הכהן ונתן הנביא למלך על ישראל ותקעתם בשופר ואמרתם יחי המלך שלמה׃
1 מְלָכִים א׳:ל״ט
ויקח צדוק הכהן את קרן השמן מן האהל וימשח את שלמה ויתקעו בשופר ויאמרו כל העם יחי המלך שלמה׃
2 מְלָכִים ט׳:י״ג
וימהרו ויקחו איש בגדו וישימו תחתיו אל גרם המעלות ויתקעו בשופר ויאמרו מלך יהוא׃
2 מְלָכִים י״א:י״ד
ותרא והנה המלך עמד על העמוד כמשפט והשרים והחצצרות אל המלך וכל עם הארץ שמח ותקע בחצצרות ותקרע עתליה את בגדיה ותקרא קשר קשר׃
1 דִּבְרֵי הַיָּמִים י״ג:ח׳
ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות׃
1 דִּבְרֵי הַיָּמִים ט״ו:כ״ד
ושבניהו ויושפט ונתנאל ועמשי וזכריהו ובניהו ואליעזר הכהנים מחצצרים בחצצרות לפני ארון האלהים ועבד אדם ויחיה שערים לארון׃
1 דִּבְרֵי הַיָּמִים ט״ו:כ״ח
וכל ישראל מעלים את ארון ברית יהוה בתרועה ובקול שופר ובחצצרות ובמצלתים משמעים בנבלים וכנרות׃
1 דִּבְרֵי הַיָּמִים ט״ז:מ״ב
ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער׃
1 דִּבְרֵי הַיָּמִים כ״ה:ה׳
כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשר ובנות שלוש׃
2 דִּבְרֵי הַיָּמִים ה׳:י״ב
והלוים המשררים לכלם לאסף להימן לידתון ולבניהם ולאחיהם מלבשים בוץ במצלתים ובנבלים וכנרות עמדים מזרח למזבח ועמהם כהנים למאה ועשרים מחצררים בחצצרות׃
2 דִּבְרֵי הַיָּמִים ה׳:י״ג
ויהי כאחד למחצצרים ולמשררים להשמיע קול אחד להלל ולהדות ליהוה וכהרים קול בחצצרות ובמצלתים ובכלי השיר ובהלל ליהוה כי טוב כי לעולם חסדו והבית מלא ענן בית יהוה׃
2 דִּבְרֵי הַיָּמִים ז׳:ו׳
והכהנים על משמרותם עמדים והלוים בכלי שיר יהוה אשר עשה דויד המלך להדות ליהוה כי לעולם חסדו בהלל דויד בידם והכהנים מחצצרים נגדם וכל ישראל עמדים׃
2 דִּבְרֵי הַיָּמִים י״ג:י״ב
והנה עמנו בראש האלהים וכהניו וחצצרות התרועה להריע עליכם בני ישראל אל תלחמו עם יהוה אלהי אבתיכם כי לא תצליחו׃
2 דִּבְרֵי הַיָּמִים י״ג:י״ד
ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃
2 דִּבְרֵי הַיָּמִים ט״ו:י״ד
וישבעו ליהוה בקול גדול ובתרועה ובחצצרות ובשופרות׃
2 דִּבְרֵי הַיָּמִים כ׳:כ״ח
ויבאו ירושלם בנבלים ובכנרות ובחצצרות אל בית יהוה׃
עֶזְרָא ג׳:י׳
ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים להלל את יהוה על ידי דויד מלך ישראל׃

מציג 51–75 מתוך 139 פסוקים

הקודם 1 2 3 4 5 6 הבא