פסוקים על Spirituality

ואהבת את יהוה אלהיך בכל לבבך ובכל נפשך ובכל מאדך׃

רק שמרו מאד לעשות את המצוה ואת התורה אשר צוה אתכם משה עבד יהוה לאהבה את יהוה אלהיכם וללכת בכל דרכיו ולשמר מצותיו ולדבקה בו ולעבדו בכל לבבכם ובכל נפשכם׃

ויאמר יהוה אלהי ישראל אין כמוך אלהים בשמים ממעל ועל הארץ מתחת שמר הברית והחסד לעבדיך ההלכים לפניך בכל לבם׃

כי אם בתורת יהוה חפצו ובתורתו יהגה יומם ולילה׃

הן אמת חפצת בטחות ובסתם חכמה תודיעני׃

יצר סמוך תצר שלום שלום כי בך בטוח׃

הנני מעלה לה ארכה ומרפא ורפאתים וגליתי להם עתרת שלום ואמת׃

אשרי הרעבים והצמאים לצדקה כי הם ישבעו׃

אבל אחת היא מן הצרך ומרים בחרה לה החלק הטוב אשר לא יקח ממנה׃

אל תעמלו במאכל אשר יאבד כי אם במאכל הקים לחיי עולמים אשר בן האדם יתננו לכם כי בו חתם חותמו אביו האלהים׃

ואני אשאלה מאבי והוא יתן לכם פרקליט אחר אשר ישכן אתכם לנצח׃

את רוח האמת אשר לא יכל העולם להשיגו באשר לא יראהו ולא ידעהו ואתם ידעתם אתו כי אתכם שכן הוא אף יהיה בתוככם׃

למען תמלא חקת התורה בנו המתהלכים בלא כבשר כי אם לפי הרוח׃

כי מחשבת הבשר היא המות ומחשבת הרוח היא החיים והשלום׃

כי מלכות האלהים איננה אכילה ושתיה כי צדקה היא ושלום ושמחה ברוח הקדש׃

וזאת אני אמר אחי כי השעה דחוקה למען מעתה יהיו הנשואים כאלו אין להם נשים׃

והבכים כאינם בכים והשמחים כאינם שמחים והקונים כאלו אין קנין בידם׃

והנהנים מן העולם הזה כאלו אין להם הנאה ממנו כי עבור יעבר תאר העולם הזה׃

¶ לכן אם קמתם עם המשיח בקשו את אשר למעלה אשר המשיח ישב שם לימין האלהים׃

את אשר למעלה יהגה לבבכם לא את אשר בארץ׃

כי מתם וחייכם צפונים עם המשיח באלהים׃