פסוקים על Sin (1)

240 פסוקים · 2 היבטים

פסוקי מפתח

סינון לפי ספר
  1. יִרְמְיָהוּ י״ד:ז׳

    אם עונינו ענו בנו יהוה עשה למען שמך כי רבו משובתינו לך חטאנו׃

  2. יִרְמְיָהוּ י״ד:ט״ז

    והעם אשר המה נבאים להם יהיו משלכים בחצות ירושלם מפני הרעב והחרב ואין מקבר להמה המה נשיהם ובניהם ובנתיהם ושפכתי עליהם את רעתם׃

  3. יִרְמְיָהוּ י״ד:כ׳

    ידענו יהוה רשענו עון אבותינו כי חטאנו לך׃

  4. יִרְמְיָהוּ כ״א:י״ד

    ופקדתי עליכם כפרי מעלליכם נאם יהוה והצתי אש ביערה ואכלה כל סביביה׃

  5. יִרְמְיָהוּ ל״א:י״ח

    שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

  6. יִרְמְיָהוּ ל״א:י״ט

    כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃

  7. אֵיכָה א׳:י״ח

    צדיק הוא יהוה כי פיהו מריתי שמעו נא כל עמים וראו מכאבי בתולתי ובחורי הלכו בשבי׃

  8. אֵיכָה א׳:כ׳

    ראה יהוה כי צר לי מעי חמרמרו נהפך לבי בקרבי כי מרו מריתי מחוץ שכלה חרב בבית כמות׃

  9. אֵיכָה ג׳:מ׳

    נחפשה דרכינו ונחקרה ונשובה עד יהוה׃

  10. אֵיכָה ג׳:מ״א

    נשא לבבנו אל כפים אל אל בשמים׃

  11. אֵיכָה ג׳:מ״ב

    נחנו פשענו ומרינו אתה לא סלחת׃

  12. יְחֶזְקֵאל י״א:כ״א

    ואל לב שקוציהם ותועבותיהם לבם הלך דרכם בראשם נתתי נאם אדני יהוה׃

  13. יְחֶזְקֵאל כ״ב:ל״א

    ואשפך עליהם זעמי באש עברתי כליתים דרכם בראשם נתתי נאם אדני יהוה׃

  14. יְחֶזְקֵאל כ״ג:ל״א

    בדרך אחותך הלכת ונתתי כוסה בידך׃

  15. יְחֶזְקֵאל כ״ג:ל״ב

    כה אמר אדני יהוה כוס אחותך תשתי העמקה והרחבה תהיה לצחק וללעג מרבה להכיל׃

  16. יְחֶזְקֵאל כ״ג:ל״ג

    שכרון ויגון תמלאי כוס שמה ושממה כוס אחותך שמרון׃

  17. יְחֶזְקֵאל כ״ג:ל״ד

    ושתית אותה ומצית ואת חרשיה תגרמי ושדיך תנתקי כי אני דברתי נאם אדני יהוה׃

  18. יְחֶזְקֵאל כ״ג:ל״ה

    לכן כה אמר אדני יהוה יען שכחת אותי ותשליכי אותי אחרי גוך וגם את שאי זמתך ואת תזנותיך׃

  19. דָּנִיֵּאל ט׳:ה׳

    חטאנו ועוינו והרשענו ומרדנו וסור ממצותך וממשפטיך׃

  20. דָּנִיֵּאל ט׳:ו׳

    ולא שמענו אל עבדיך הנביאים אשר דברו בשמך אל מלכינו שרינו ואבתינו ואל כל עם הארץ׃

  21. דָּנִיֵּאל ט׳:ח׳

    יהוה לנו בשת הפנים למלכינו לשרינו ולאבתינו אשר חטאנו לך׃

  22. דָּנִיֵּאל ט׳:ט׳

    לאדני אלהינו הרחמים והסלחות כי מרדנו בו׃

  23. דָּנִיֵּאל ט׳:י׳

    ולא שמענו בקול יהוה אלהינו ללכת בתורתיו אשר נתן לפנינו ביד עבדיו הנביאים׃

  24. דָּנִיֵּאל ט׳:י״א

    וכל ישראל עברו את תורתך וסור לבלתי שמוע בקלך ותתך עלינו האלה והשבעה אשר כתובה בתורת משה עבד האלהים כי חטאנו לו׃

  25. דָּנִיֵּאל ט׳:ט״ו

    ועתה אדני אלהינו אשר הוצאת את עמך מארץ מצרים ביד חזקה ותעש לך שם כיום הזה חטאנו רשענו׃