פסוקים על Secretary: General references

25 פסוקים · 2 היבטים

פסוקים על General references

2 שְׁמוּאֵל ח׳:י״ז
וצדוק בן אחיטוב ואחימלך בן אביתר כהנים ושריה סופר׃
2 שְׁמוּאֵל כ׳:כ״ד
ואדרם על המס ויהושפט בן אחילוד המזכיר׃
1 מְלָכִים ד׳:ג׳
אליחרף ואחיה בני שישא ספרים יהושפט בן אחילוד המזכיר׃
2 מְלָכִים י״ב:י׳
ויהי כראותם כי רב הכסף בארון ויעל ספר המלך והכהן הגדול ויצרו וימנו את הכסף הנמצא בית יהוה׃
2 מְלָכִים י״ב:י״א
ונתנו את הכסף המתכן על יד עשי המלאכה הפקדים בית יהוה ויוציאהו לחרשי העץ ולבנים העשים בית יהוה׃
2 מְלָכִים י״ב:י״ב
ולגדרים ולחצבי האבן ולקנות עצים ואבני מחצב לחזק את בדק בית יהוה ולכל אשר יצא על הבית לחזקה׃
2 מְלָכִים י״ח:י״ח
ויקראו אל המלך ויצא אלהם אליקים בן חלקיהו אשר על הבית ושבנה הספר ויואח בן אסף המזכיר׃
2 מְלָכִים י״ח:ל״ז
ויבא אליקים בן חלקיה אשר על הבית ושבנא הספר ויואח בן אסף המזכיר אל חזקיהו קרועי בגדים ויגדו לו דברי רב שקה׃
2 מְלָכִים כ״ב:א׳
¶ בן שמנה שנה יאשיהו במלכו ושלשים ואחת שנה מלך בירושלם ושם אמו ידידה בת עדיה מבצקת׃
2 מְלָכִים כ״ב:ב׳
ויעש הישר בעיני יהוה וילך בכל דרך דוד אביו ולא סר ימין ושמאול׃
2 מְלָכִים כ״ב:ג׳
ויהי בשמנה עשרה שנה למלך יאשיהו שלח המלך את שפן בן אצליהו בן משלם הספר בית יהוה לאמר׃
2 מְלָכִים כ״ב:ד׳
עלה אל חלקיהו הכהן הגדול ויתם את הכסף המובא בית יהוה אשר אספו שמרי הסף מאת העם׃
2 מְלָכִים כ״ב:ה׳
ויתנה על יד עשי המלאכה המפקדים בבית יהוה ויתנו אתו לעשי המלאכה אשר בבית יהוה לחזק בדק הבית׃
2 מְלָכִים כ״ב:ו׳
לחרשים ולבנים ולגדרים ולקנות עצים ואבני מחצב לחזק את הבית׃
2 מְלָכִים כ״ב:ז׳
אך לא יחשב אתם הכסף הנתן על ידם כי באמונה הם עשים׃
2 מְלָכִים כ״ב:ח׳
ויאמר חלקיהו הכהן הגדול על שפן הספר ספר התורה מצאתי בבית יהוה ויתן חלקיה את הספר אל שפן ויקראהו׃
2 מְלָכִים כ״ב:ט׳
ויבא שפן הספר אל המלך וישב את המלך דבר ויאמר התיכו עבדיך את הכסף הנמצא בבית ויתנהו על יד עשי המלאכה המפקדים בית יהוה׃
2 מְלָכִים כ״ב:י׳
ויגד שפן הספר למלך לאמר ספר נתן לי חלקיה הכהן ויקראהו שפן לפני המלך׃
2 מְלָכִים כ״ב:י״א
ויהי כשמע המלך את דברי ספר התורה ויקרע את בגדיו׃
2 מְלָכִים כ״ב:י״ב
ויצו המלך את חלקיה הכהן ואת אחיקם בן שפן ואת עכבור בן מיכיה ואת שפן הספר ואת עשיה עבד המלך לאמר׃
2 מְלָכִים כ״ב:י״ג
לכו דרשו את יהוה בעדי ובעד העם ובעד כל יהודה על דברי הספר הנמצא הזה כי גדולה חמת יהוה אשר היא נצתה בנו על אשר לא שמעו אבתינו על דברי הספר הזה לעשות ככל הכתוב עלינו׃
2 מְלָכִים כ״ב:י״ד
וילך חלקיהו הכהן ואחיקם ועכבור ושפן ועשיה אל חלדה הנביאה אשת שלם בן תקוה בן חרחס שמר הבגדים והיא ישבת בירושלם במשנה וידברו אליה׃
1 דִּבְרֵי הַיָּמִים כ״ז:ל״ב
ויהונתן דוד דויד יועץ איש מבין וסופר הוא ויחיאל בן חכמוני עם בני המלך׃
אֶסְתֵר ג׳:י״ב
ויקראו ספרי המלך בחדש הראשון בשלושה עשר יום בו ויכתב ככל אשר צוה המן אל אחשדרפני המלך ואל הפחות אשר על מדינה ומדינה ואל שרי עם ועם מדינה ומדינה ככתבה ועם ועם כלשונו בשם המלך אחשורש נכתב ונחתם בטבעת המלך׃
אֶסְתֵר ח׳:ט׳
ויקראו ספרי המלך בעת ההיא בחדש השלישי הוא חדש סיון בשלושה ועשרים בו ויכתב ככל אשר צוה מרדכי אל היהודים ואל האחשדרפנים והפחות ושרי המדינות אשר מהדו ועד כוש שבע ועשרים ומאה מדינה מדינה ומדינה ככתבה ועם ועם כלשנו ואל היהודים ככתבם וכלשונם׃