פסוקים על Reprobacy

150 פסוקים · 1 היבט

פסוקי מפתח

סינון לפי ספר
  1. דְּבָרִים כ״ח:ס״א

    גם כל חלי וכל מכה אשר לא כתוב בספר התורה הזאת יעלם יהוה עליך עד השמדך׃

  2. דְּבָרִים כ״ח:ס״ב

    ונשארתם במתי מעט תחת אשר הייתם ככוכבי השמים לרב כי לא שמעת בקול יהוה אלהיך׃

  3. דְּבָרִים כ״ח:ס״ג

    והיה כאשר שש יהוה עליכם להיטיב אתכם ולהרבות אתכם כן ישיש יהוה עליכם להאביד אתכם ולהשמיד אתכם ונסחתם מעל האדמה אשר אתה בא שמה לרשתה׃

  4. דְּבָרִים כ״ח:ס״ד

    והפיצך יהוה בכל העמים מקצה הארץ ועד קצה הארץ ועבדת שם אלהים אחרים אשר לא ידעת אתה ואבתיך עץ ואבן׃

  5. דְּבָרִים כ״ח:ס״ה

    ובגוים ההם לא תרגיע ולא יהיה מנוח לכף רגלך ונתן יהוה לך שם לב רגז וכליון עינים ודאבון נפש׃

  6. דְּבָרִים כ״ח:ס״ו

    והיו חייך תלאים לך מנגד ופחדת לילה ויומם ולא תאמין בחייך׃

  7. דְּבָרִים כ״ח:ס״ז

    בבקר תאמר מי יתן ערב ובערב תאמר מי יתן בקר מפחד לבבך אשר תפחד וממראה עיניך אשר תראה׃

  8. דְּבָרִים כ״ח:ס״ח

    והשיבך יהוה מצרים באניות בדרך אשר אמרתי לך לא תסיף עוד לראתה והתמכרתם שם לאיביך לעבדים ולשפחות ואין קנה׃

  9. דְּבָרִים ל״א:י״ז

    וחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלה׃

  10. דְּבָרִים ל״א:י״ח

    ואנכי הסתר אסתיר פני ביום ההוא על כל הרעה אשר עשה כי פנה אל אלהים אחרים׃

  11. תְהִלִּים פ״א:י״א

    ולא שמע עמי לקולי וישראל לא אבה לי׃

  12. תְהִלִּים פ״א:י״ב

    ואשלחהו בשרירות לבם ילכו במועצותיהם׃

  13. מִשְׁלֵי א׳:כ״ד

    יען קראתי ותמאנו נטיתי ידי ואין מקשיב׃

  14. מִשְׁלֵי א׳:כ״ה

    ותפרעו כל עצתי ותוכחתי לא אביתם׃

  15. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  16. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  17. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃

  18. יְשַׁעְיָהוּ ו׳:ט׳

    ויאמר לך ואמרת לעם הזה שמעו שמוע ואל תבינו וראו ראו ואל תדעו׃

  19. יְשַׁעְיָהוּ ו׳:י׳

    השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

  20. יְשַׁעְיָהוּ כ״ב:י״ב

    ויקרא אדני יהוה צבאות ביום ההוא לבכי ולמספד ולקרחה ולחגר שק׃

  21. יְשַׁעְיָהוּ כ״ב:י״ג

    והנה ששון ושמחה הרג בקר ושחט צאן אכל בשר ושתות יין אכול ושתו כי מחר נמות׃

  22. יְשַׁעְיָהוּ כ״ב:י״ד

    ונגלה באזני יהוה צבאות אם יכפר העון הזה לכם עד תמתון אמר אדני יהוה צבאות׃

  23. יְשַׁעְיָהוּ כ״ח:י״ג

    והיה להם דבר יהוה צו לצו צו לצו קו לקו קו לקו זעיר שם זעיר שם למען ילכו וכשלו אחור ונשברו ונוקשו ונלכדו׃

  24. יְשַׁעְיָהוּ כ״ט:ט׳

    התמהמהו ותמהו השתעשעו ושעו שכרו ולא יין נעו ולא שכר׃

  25. יְשַׁעְיָהוּ כ״ט:י׳

    כי נסך עליכם יהוה רוח תרדמה ויעצם את עיניכם את הנביאים ואת ראשיכם החזים כסה׃