פסוקים על Remorse

כי כלו ביגון חיי ושנותי באנחה כשל בעוני כחי ועצמי עששו׃

כי חציך נחתו בי ותנחת עלי ידך׃

אין מתם בבשרי מפני זעמך אין שלום בעצמי מפני חטאתי׃

כי עונתי עברו ראשי כמשא כבד יכבדו ממני׃

הבאישו נמקו חבורתי מפני אולתי׃

נעויתי שחתי עד מאד כל היום קדר הלכתי׃

¶ למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃

הרבה כבסני מעוני ומחטאתי טהרני׃

כי פשעי אני אדע וחטאתי נגדי תמיד׃

לך לבדך חטאתי והרע בעיניך עשיתי למען תצדק בדברך תזכה בשפטך׃

תחטאני באזוב ואטהר תכבסני ומשלג אלבין׃

תשמיעני ששון ושמחה תגלנה עצמות דכית׃

הסתר פניך מחטאי וכל עונתי מחה׃

לב טהור ברא לי אלהים ורוח נכון חדש בקרבי׃

אל תשליכני מלפניך ורוח קדשך אל תקח ממני׃

השיבה לי ששון ישעך ורוח נדיבה תסמכני׃

אלמדה פשעים דרכיך וחטאים אליך ישובו׃

הצילני מדמים אלהים אלהי תשועתי תרנן לשוני צדקתך׃

אדני שפתי תפתח ופי יגיד תהלתך׃

כי לא תחפץ זבח ואתנה עולה לא תרצה׃

זבחי אלהים רוח נשברה לב נשבר ונדכה אלהים לא תבזה׃

ותפרעו כל עצתי ותוכחתי לא אביתם׃

גם אני באידכם אשחק אלעג בבא פחדכם׃

בבא כשאוה פחדכם ואידכם כסופה יאתה בבא עליכם צרה וצוקה׃

ועתה בנים שמעו לי ואל תסורו מאמרי פי׃