פסוקים על Quotations and Allusions

ועוד אתה אדני לפנים הארץ יסדת ומעשה ידיך שמים׃

המה יאבדו ואתה תעמד וכלם כבגד יבלו׃

כלבוש תחליפם ויחלפו ואתה הוא ושנותיך לא יתמו׃

ואל מי מן המלאכים אמר מעולם שב לימיני עד אשית איביך הדם לרגליך׃

כי אם כאשר העיד האמר במקום אחד מה אנוש כי תזכרנו ובן אדם כי תפקדנו׃

ותחסרהו מעט מאלהים וכבוד והדר תעטרהו ותמשילהו במעשי ידיך׃

כל שתה תחת רגליו הנה באשר שת כל תחתיו לא השאיר דבר שלא שת תחתיו ועתה זה לא ראינו עדין כי כל הושת תחתיו׃

באמרו אספרה שמך לאחי בתוך קהל אהללך׃

ועוד וקויתי לו ועוד הנה אנכי והילדים אשר נתן לי יהוה׃

לכן כמאמר רוח הקדש היום אם בקלו תשמעו׃

אל תקשו לבבכם כמריבה כיום מסה במדבר׃

אשר נסוני אבותיכם בחנוני גם ראו פעלי ארבעים שנה׃

לכן אקוט בדור ואמר עם תעי לבב הם והם לא ידעו דרכי׃

כי באי המונה אנחנו המאמינים כמו שאמר אשר נשבעתי באפי אם יבאון אל מנוחתי אף כי נגמרו מעשי יהוה מעת הוסד העולם׃

כי על היום השביעי אמר במקום אחד וישבת ביום השביעי מכל מלאכתו׃

לכן הוסיף לקבוע יום באמרו היום על ידי דוד מקץ ימים רבים כמו שנאמר היום אם בקלו תשמעו אל תקשו לבבכם׃

כן גם המשיח לא כבד את עצמו להיות כהן גדול כי אם האמר אליו בני אתה אני היום ילדתיך׃

כמו שאמר גם במקום אחר אתה כהן לעולם על דברתי מלכי צדק׃

ויאמר כי ברך אברכך והרבה ארבה אותך׃

ומכהנים לדמות וצל הדברים שבשמים כדבר יהוה אל משה בבאו לכלות את המשכן כי אמר אליו ראה ועשה הכל בתבניתו אשר אתה מראה בהר׃

כי כה אמר בהוכיח אתם הנה ימים באים נאם יהוה וכרתי את בית ישראל ואת בית יהודה ברית חדשה׃

לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בחלתי בם נאם יהוה׃

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם׃

כי אסלח לעונם ולחטאתם ולפשעיהם לא אזכר עוד׃