פסוקים על Prophets

655 פסוקים · 128 היבטים

פסוקי מפתח

סינון לפי ספר
  1. 1 מְלָכִים י״ט:ט׳

    ויבא שם אל המערה וילן שם והנה דבר יהוה אליו ויאמר לו מה לך פה אליהו׃

  2. 1 מְלָכִים י״ט:י׳

    ויאמר קנא קנאתי ליהוה אלהי צבאות כי עזבו בריתך בני ישראל את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתה׃

  3. 1 מְלָכִים י״ט:ט״ו

    ויאמר יהוה אליו לך שוב לדרכך מדברה דמשק ובאת ומשחת את חזאל למלך על ארם׃

  4. 1 מְלָכִים י״ט:ט״ז

    ואת יהוא בן נמשי תמשח למלך על ישראל ואת אלישע בן שפט מאבל מחולה תמשח לנביא תחתיך׃

  5. 1 מְלָכִים כ׳:ל״ה

    ואיש אחד מבני הנביאים אמר אל רעהו בדבר יהוה הכיני נא וימאן האיש להכתו׃

  6. 1 מְלָכִים כ״א:י״ז

    ויהי דבר יהוה אל אליהו התשבי לאמר׃

  7. 1 מְלָכִים כ״א:י״ח

    קום רד לקראת אחאב מלך ישראל אשר בשמרון הנה בכרם נבות אשר ירד שם לרשתו׃

  8. 1 מְלָכִים כ״א:י״ט

    ודברת אליו לאמר כה אמר יהוה הרצחת וגם ירשת ודברת אליו לאמר כה אמר יהוה במקום אשר לקקו הכלבים את דם נבות ילקו הכלבים את דמך גם אתה׃

  9. 1 מְלָכִים כ״א:כ׳

    ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃

  10. 1 מְלָכִים כ״א:כ״א

    הנני מבי אליך רעה ובערתי אחריך והכרתי לאחאב משתין בקיר ועצור ועזוב בישראל׃

  11. 1 מְלָכִים כ״א:כ״ב

    ונתתי את ביתך כבית ירבעם בן נבט וכבית בעשא בן אחיה אל הכעס אשר הכעסת ותחטא את ישראל׃

  12. 1 מְלָכִים כ״ב:ז׳

    ויאמר יהושפט האין פה נביא ליהוה עוד ונדרשה מאותו׃

  13. 1 מְלָכִים כ״ב:ח׳

    ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע מיכיהו בן ימלה ויאמר יהושפט אל יאמר המלך כן׃

  14. 1 מְלָכִים כ״ב:י״ג

    והמלאך אשר הלך לקרא מיכיהו דבר אליו לאמר הנה נא דברי הנביאים פה אחד טוב אל המלך יהי נא דבריך כדבר אחד מהם ודברת טוב׃

  15. 1 מְלָכִים כ״ב:י״ד

    ויאמר מיכיהו חי יהוה כי את אשר יאמר יהוה אלי אתו אדבר׃

  16. 1 מְלָכִים כ״ב:כ״ז

    ואמרת כה אמר המלך שימו את זה בית הכלא והאכילהו לחם לחץ ומים לחץ עד באי בשלום׃

  17. 1 מְלָכִים כ״ב:כ״ח

    ויאמר מיכיהו אם שוב תשוב בשלום לא דבר יהוה בי ויאמר שמעו עמים כלם׃

  18. 2 מְלָכִים א׳:ח׳

    ויאמרו אליו איש בעל שער ואזור עור אזור במתניו ויאמר אליה התשבי הוא׃

  19. 2 מְלָכִים א׳:י״ב

    ויען אליה וידבר אליהם אם איש האלהים אני תרד אש מן השמים ותאכל אתך ואת חמשיך ותרד אש אלהים מן השמים ותאכל אתו ואת חמשיו׃

  20. 2 מְלָכִים ב׳:ג׳

    ויצאו בני הנביאים אשר בית אל אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו׃

  21. 2 מְלָכִים ב׳:ד׳

    ויאמר לו אליהו אלישע שב נא פה כי יהוה שלחני יריחו ויאמר חי יהוה וחי נפשך אם אעזבך ויבאו יריחו׃

  22. 2 מְלָכִים ב׳:ה׳

    ויגשו בני הנביאים אשר ביריחו אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו׃

  23. 2 מְלָכִים ב׳:ו׳

    ויאמר לו אליהו שב נא פה כי יהוה שלחני הירדנה ויאמר חי יהוה וחי נפשך אם אעזבך וילכו שניהם׃

  24. 2 מְלָכִים ב׳:ז׳

    וחמשים איש מבני הנביאים הלכו ויעמדו מנגד מרחוק ושניהם עמדו על הירדן׃

  25. 2 מְלָכִים ב׳:ח׳

    ויקח אליהו את אדרתו ויגלם ויכה את המים ויחצו הנה והנה ויעברו שניהם בחרבה׃