פסוקים על Necromancy

17 פסוקים · 2 היבטים

פסוקי מפתח

דְּבָרִים י״ח:י״א
וחבר חבר ושאל אוב וידעני ודרש אל המתים׃
דְּבָרִים כ״ו:י״ד
לא אכלתי באני ממנו ולא בערתי ממנו בטמא ולא נתתי ממנו למת שמעתי בקול יהוה אלהי עשיתי ככל אשר צויתני׃
1 שְׁמוּאֵל כ״ח:ז׳
ויאמר שאול לעבדיו בקשו לי אשת בעלת אוב ואלכה אליה ואדרשה בה ויאמרו עבדיו אליו הנה אשת בעלת אוב בעין דור׃
1 שְׁמוּאֵל כ״ח:ח׳
ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך׃
1 שְׁמוּאֵל כ״ח:ט׳
ותאמר האשה אליו הנה אתה ידעת את אשר עשה שאול אשר הכרית את האבות ואת הידעני מן הארץ ולמה אתה מתנקש בנפשי להמיתני׃
1 שְׁמוּאֵל כ״ח:י׳
וישבע לה שאול ביהוה לאמר חי יהוה אם יקרך עון בדבר הזה׃
1 שְׁמוּאֵל כ״ח:י״א
ותאמר האשה את מי אעלה לך ויאמר את שמואל העלי לי׃
1 שְׁמוּאֵל כ״ח:י״ב
ותרא האשה את שמואל ותזעק בקול גדול ותאמר האשה אל שאול לאמר למה רמיתני ואתה שאול׃
1 שְׁמוּאֵל כ״ח:י״ג
ויאמר לה המלך אל תיראי כי מה ראית ותאמר האשה אל שאול אלהים ראיתי עלים מן הארץ׃
1 שְׁמוּאֵל כ״ח:י״ד
ויאמר לה מה תארו ותאמר איש זקן עלה והוא עטה מעיל וידע שאול כי שמואל הוא ויקד אפים ארצה וישתחו׃
1 שְׁמוּאֵל כ״ח:ט״ו
ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשה׃
1 שְׁמוּאֵל כ״ח:ט״ז
ויאמר שמואל ולמה תשאלני ויהוה סר מעליך ויהי ערך׃
1 שְׁמוּאֵל כ״ח:י״ז
ויעש יהוה לו כאשר דבר בידי ויקרע יהוה את הממלכה מידך ויתנה לרעך לדוד׃
1 שְׁמוּאֵל כ״ח:י״ח
כאשר לא שמעת בקול יהוה ולא עשית חרון אפו בעמלק על כן הדבר הזה עשה לך יהוה היום הזה׃
1 שְׁמוּאֵל כ״ח:י״ט
ויתן יהוה גם את ישראל עמך ביד פלשתים ומחר אתה ובניך עמי גם את מחנה ישראל יתן יהוה ביד פלשתים׃
יְשַׁעְיָהוּ ח׳:י״ט
וכי יאמרו אליכם דרשו אל האבות ואל הידענים המצפצפים והמהגים הלוא עם אל אלהיו ידרש בעד החיים אל המתים׃
יְשַׁעְיָהוּ כ״ט:ד׳
ושפלת מארץ תדברי ומעפר תשח אמרתך והיה כאוב מארץ קולך ומעפר אמרתך תצפצף׃