פסוקים על Murder

ויאמר קין אל הבל אחיו ויהי בהיותם בשדה ויקם קין אל הבל אחיו ויהרגהו׃

ויאמר מה עשית קול דמי אחיך צעקים אלי מן האדמה׃

ועתה ארור אתה מן האדמה אשר פצתה את פיה לקחת את דמי אחיך מידך׃

כי תעבד את האדמה לא תסף תת כחה לך נע ונד תהיה בארץ׃

ויאמר קין אל יהוה גדול עוני מנשא׃

הן גרשת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני׃

ויאמר לו יהוה לכן כל הרג קין שבעתים יקם וישם יהוה לקין אות לבלתי הכות אתו כל מצאו׃

ויצא קין מלפני יהוה וישב בארץ נוד קדמת עדן׃

ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם׃

שפך דם האדם באדם דמו ישפך כי בצלם אלהים עשה את האדם׃

וישטם עשו את יעקב על הברכה אשר ברכו אביו ויאמר עשו בלבו יקרבו ימי אבל אבי ואהרגה את יעקב אחי׃

ויראו אתו מרחק ובטרם יקרב אליהם ויתנכלו אתו להמיתו׃

ועתה לכו ונהרגהו ונשלכהו באחד הברות ואמרנו חיה רעה אכלתהו ונראה מה יהיו חלמתיו׃

ויאמר אלהם ראובן אל תשפכו דם השליכו אתו אל הבור הזה אשר במדבר ויד אל תשלחו בו למען הציל אתו מידם להשיבו אל אביו׃

ויצו פרעה לכל עמו לאמר כל הבן הילוד היארה תשליכהו וכל הבת תחיון׃

לא תרצח׃

מכה איש ומת מות יומת׃

וכי יזד איש על רעהו להרגו בערמה מעם מזבחי תקחנו למות׃

אם זרחה השמש עליו דמים לו שלם ישלם אם אין לו ונמכר בגנבתו׃

ואם בכלי ברזל הכהו וימת רצח הוא מות יומת הרצח׃

ואם באבן יד אשר ימות בה הכהו וימת רצח הוא מות יומת הרצח׃

או בכלי עץ יד אשר ימות בו הכהו וימת רצח הוא מות יומת הרצח׃

גאל הדם הוא ימית את הרצח בפגעו בו הוא ימיתנו׃

ואם בשנאה יהדפנו או השליך עליו בצדיה וימת׃

או באיבה הכהו בידו וימת מות יומת המכה רצח הוא גאל הדם ימית את הרצח בפגעו בו׃