פסוקים על Millennium

41 פסוקים · 1 היבט

פסוקי מפתח

סינון לפי ספר
  1. יְשַׁעְיָהוּ ס״ה:י״ז

    כי הנני בורא שמים חדשים וארץ חדשה ולא תזכרנה הראשנות ולא תעלינה על לב׃

  2. יְשַׁעְיָהוּ ס״ה:י״ח

    כי אם שישו וגילו עדי עד אשר אני בורא כי הנני בורא את ירושלם גילה ועמה משוש׃

  3. יְשַׁעְיָהוּ ס״ה:י״ט

    וגלתי בירושלם וששתי בעמי ולא ישמע בה עוד קול בכי וקול זעקה׃

  4. יְשַׁעְיָהוּ ס״ה:כ׳

    לא יהיה משם עוד עול ימים וזקן אשר לא ימלא את ימיו כי הנער בן מאה שנה ימות והחוטא בן מאה שנה יקלל׃

  5. יְשַׁעְיָהוּ ס״ה:כ״א

    ובנו בתים וישבו ונטעו כרמים ואכלו פרים׃

  6. יְשַׁעְיָהוּ ס״ה:כ״ב

    לא יבנו ואחר ישב לא יטעו ואחר יאכל כי כימי העץ ימי עמי ומעשה ידיהם יבלו בחירי׃

  7. יְשַׁעְיָהוּ ס״ה:כ״ג

    לא ייגעו לריק ולא ילדו לבהלה כי זרע ברוכי יהוה המה וצאצאיהם אתם׃

  8. יְשַׁעְיָהוּ ס״ה:כ״ד

    והיה טרם יקראו ואני אענה עוד הם מדברים ואני אשמע׃

  9. יְשַׁעְיָהוּ ס״ה:כ״ה

    זאב וטלה ירעו כאחד ואריה כבקר יאכל תבן ונחש עפר לחמו לא ירעו ולא ישחיתו בכל הר קדשי אמר יהוה׃

  10. צְפַנְיָה ג׳:י״א

    ביום ההוא לא תבושי מכל עלילתיך אשר פשעת בי כי אז אסיר מקרבך עליזי גאותך ולא תוספי לגבהה עוד בהר קדשי׃

  11. צְפַנְיָה ג׳:י״ב

    והשארתי בקרבך עם עני ודל וחסו בשם יהוה׃

  12. צְפַנְיָה ג׳:י״ג

    שארית ישראל לא יעשו עולה ולא ידברו כזב ולא ימצא בפיהם לשון תרמית כי המה ירעו ורבצו ואין מחריד׃

  13. זְכַרְיָה ט׳:ט׳

    גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃

  14. זְכַרְיָה ט׳:י׳

    והכרתי רכב מאפרים וסוס מירושלם ונכרתה קשת מלחמה ודבר שלום לגוים ומשלו מים עד ים ומנהר עד אפסי ארץ׃

  15. זְכַרְיָה י״ד:ט״ז

    והיה כל הנותר מכל הגוים הבאים על ירושלם ועלו מדי שנה בשנה להשתחות למלך יהוה צבאות ולחג את חג הסכות׃

  16. זְכַרְיָה י״ד:י״ז

    והיה אשר לא יעלה מאת משפחות הארץ אל ירושלם להשתחות למלך יהוה צבאות ולא עליהם יהיה הגשם׃

  17. זְכַרְיָה י״ד:י״ח

    ואם משפחת מצרים לא תעלה ולא באה ולא עליהם תהיה המגפה אשר יגף יהוה את הגוים אשר לא יעלו לחג את חג הסכות׃

  18. זְכַרְיָה י״ד:י״ט

    זאת תהיה חטאת מצרים וחטאת כל הגוים אשר לא יעלו לחג את חג הסכות׃

  19. זְכַרְיָה י״ד:כ׳

    ביום ההוא יהיה על מצלות הסוס קדש ליהוה והיה הסירות בבית יהוה כמזרקים לפני המזבח׃

  20. זְכַרְיָה י״ד:כ״א

    והיה כל סיר בירושלם וביהודה קדש ליהוה צבאות ובאו כל הזבחים ולקחו מהם ובשלו בהם ולא יהיה כנעני עוד בבית יהוה צבאות ביום ההוא׃

  21. מתיו ט״ז:י״ח

    ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃

  22. מתיו ט״ז:י״ט

    ואתן לך את מפתחות מלכות השמים וכל אשר תאסר על הארץ אסור יהיה בשמים וכל אשר תתיר על הארץ מתר יהיה בשמים׃

  23. מתיו כ״ו:כ״ט

    ואני אמר לכם כי מעתה שתה לא אשתה מתנובת הגפן הזאת עד היום ההוא אשר אשתה אתה עמכם חדשה במלכות אבי׃

  24. סנט מארק י״ד:כ״ה

    אמן אמר אני לכם שתה לא אשתה עוד מתנובת הגפן עד היום ההוא אשר אשתה אותה חדשה במלכות האלהים׃

  25. אִגֶּרֶת אֶל־הָעִבְרִים ח׳:י״א

    ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם׃