פסוקים על Metals

שם האחד פישון הוא הסבב את כל ארץ החוילה אשר שם הזהב׃

וזהב הארץ ההוא טוב שם הבדלח ואבן השהם׃

ושם אחיו יובל הוא היה אבי כל תפש כנור ועוגב׃

ואת גביעי גביע הכסף תשים בפי אמתחת הקטן ואת כסף שברו ויעש כדבר יוסף אשר דבר׃

נשפת ברוחך כסמו ים צללו כעופרת במים אדירים׃

ועשית קרנתיו על ארבע פנתיו ממנו תהיין קרנתיו וצפית אתו נחשת׃

ועשית לו מכבר מעשה רשת נחשת ועשית על הרשת ארבע טבעת נחשת על ארבע קצותיו׃

ויאמר אלעזר הכהן אל אנשי הצבא הבאים למלחמה זאת חקת התורה אשר צוה יהוה את משה׃

אך את הזהב ואת הכסף את הנחשת את הברזל את הבדיל ואת העפרת׃

כל דבר אשר יבא באש תעבירו באש וטהר אך במי נדה יתחטא וכל אשר לא יבא באש תעבירו במים׃

ואם בכלי ברזל הכהו וימת רצח הוא מות יומת הרצח׃

ארץ אשר לא במסכנת תאכל בה לחם לא תחסר כל בה ארץ אשר אבניה ברזל ומהרריה תחצב נחשת׃

וישב את הכסף לאמו ותקח אמו מאתים כסף ותתנהו לצורף ויעשהו פסל ומסכה ויהי בבית מיכיהו׃

בככר הירדן יצקם המלך במעבה האדמה בין סכות ובין צרתן׃

ויעש המלך רחבעם תחתיהם מגני נחשת והפקיד על יד שרי הרצים השמרים פתח בית המלך׃

וכפרי זהב עשרים לאדרכנים אלף וכלי נחשת מצהב טובה שנים חמודת כזהב׃

¶ כי יש לכסף מוצא ומקום לזהב יזקו׃

ברזל מעפר יקח ואבן יצוק נחושה׃

מקום ספיר אבניה ועפרת זהב לו׃

ברזל בברזל יחד ואיש יחד פני רעהו׃

ואשיבה ידי עליך ואצרף כבר סיגיך ואסירה כל בדיליך׃

תחת הנחשת אביא זהב ותחת הברזל אביא כסף ותחת העצים נחשת ותחת האבנים ברזל ושמתי פקדתך שלום ונגשיך צדקה׃

נחר מפח מאשתם עפרת לשוא צרף צרוף ורעים לא נתקו׃

בן אדם היו לי בית ישראל לסוג כלם נחשת ובדיל וברזל ועופרת בתוך כור סגים כסף היו׃

קבצת כסף ונחשת וברזל ועופרת ובדיל אל תוך כור לפחת עליו אש להנתיך כן אקבץ באפי ובחמתי והנחתי והתכתי אתכם׃