פסוקים על Depravity of Man: General references

וירא יהוה כי רבה רעת האדם בארץ וכל יצר מחשבת לבו רק רע כל היום׃

וינחם יהוה כי עשה את האדם בארץ ויתעצב אל לבו׃

ויאמר יהוה אמחה את האדם אשר בראתי מעל פני האדמה מאדם עד בהמה עד רמש ועד עוף השמים כי נחמתי כי עשיתם׃

ותשחת הארץ לפני האלהים ותמלא הארץ חמס׃

וירא אלהים את הארץ והנה נשחתה כי השחית כל בשר את דרכו על הארץ׃

ויאמר אלהים לנח קץ כל בשר בא לפני כי מלאה הארץ חמס מפניהם והנני משחיתם את הארץ׃

האנוש מאלוה יצדק אם מעשהו יטהר גבר׃

הן בעבדיו לא יאמין ובמלאכיו ישים תהלה׃

אף שכני בתי חמר אשר בעפר יסודם ידכאום לפני עש׃

אמנם ידעתי כי כן ומה יצדק אנוש עם אל׃

אם יחפץ לריב עמו לא יעננו אחת מני אלף׃

אנכי ארשע למה זה הבל איגע׃

אם התרחצתי במו שלג והזכותי בבר כפי׃

אז בשחת תטבלני ותעבוני שלמותי׃

מה אנוש כי יזכה וכי יצדק ילוד אשה׃

הן בקדשו לא יאמין ושמים לא זכו בעיניו׃

אף כי נתעב ונאלח איש שתה כמים עולה׃

ומה יצדק אנוש עם אל ומה יזכה ילוד אשה׃

הן עד ירח ולא יאהיל וכוכבים לא זכו בעיניו׃

אף כי אנוש רמה ובן אדם תולעה׃

¶ למנצח לדוד אמר נבל בלבו אין אלהים השחיתו התעיבו עלילה אין עשה טוב׃

יהוה משמים השקיף על בני אדם לראות היש משכיל דרש את אלהים׃

הכל סר יחדו נאלחו אין עשה טוב אין גם אחד׃

¶ למנצח על מחלת משכיל לדוד אמר נבל בלבו אין אלהים השחיתו והתעיבו עול אין עשה טוב׃

אלהים משמים השקיף על בני אדם לראות היש משכיל דרש את אלהים׃