פסוקים על Commandments

כי האיש הראה אתך אשר לך הדעת מסב בבית אלילים הלא יעז ברוחו החלוש לאכל מזבחי אלילים׃

ויאבד על ידי דעתך אחיך החלש אשר למענו מת המשיח׃

ואם ככה תחטאו לאחיכם ותכאיבו את רוחם החלוש למשיח אתם חטאים׃

על כן אם מאכלי מכשיל את אחי לא אכל בשר לעולם למען לא אכשיל את אחי׃

ולא תהיו עבדי אלילים כאשר היו מקצתם כמו שכתוב וישב העם לאכל ושתו ויקמו לצחק׃

ולא נהיה זנים כאשר זנו מקצתם ויפלו ביום אחד שלשה ועשרים אלף איש׃

ולא ננסה את המשיח כאשר נסוהו מקצתם ויאבדום הנחשים׃

גם לא תלינו כאשר הלינו מקצתם וימותו ביד המשחית׃

ואיש כי יאמר אליכם זה הוא זבח אלילים אל תאכלו בעבור המודיע ומפני מכשול הלב כי ליהוה הארץ ולמואה׃

והלב אשר אני אמר לא לבך כי אם לב רעך כי למה זה תשפט חרותי על ידי לב האחר׃

ואם אכל אני בתודה למה אהיה מגדף על הדבר אשר אני מודה עליו׃

לכן אם תאכלו או אם תשתו או כל אשר תעשו את הכל עשו לכבוד אלהים׃

ואל תתנו מכשול לא ליהודים ולא ליונים ולא לקהלת אלהים׃

שקדו ועמדו באמונה התאששו והתחזקו׃

וכל דבריכם יעשו באהבה׃

¶ אחי גם כי יתפש איש מכם בעברה אתם אנשי הרוח תקימהו ברוח ענוה והשמר לנפשך פן תבא לידי נסיון גם אתה׃

שאו איש את משא רעהו בזאת תמלאו את תורת המשיח׃

¶ לכן אזהירכם אני האסור באדון להתהלך כאשר יאתה למשמרתכם אשר נקראתם לה׃

בכל נמיכות וענוה ובארך רוח לשאת איש את רעהו באהבה׃

ושקדו לשמר את אחדות הרוח באגדת השלום׃

רגזו ואל תחטאו אל תשקע החמה על רגזכם׃

גם לא תתנו מקום לשטן׃

מי שגנב אל יסף לגנב כי אם ייגע ובידיו יעשה את הטוב למען יהיה לו לתת לאיש מחסור׃

כל דבר נבול לא יצא מפיכם כי אם הטוב והמועיל לבנות לפי הצרך למען יתן חן לשמעיו׃

ולא תעצבו את רוח הקדש של אלהים אשר נחתמתם בו אל יום הגאלה׃