פסוקים על Canaanites

ולא יכלו בני מנשה להוריש את הערים האלה ויואל הכנעני לשבת בארץ הזאת׃

ויהי כי חזקו בני ישראל ויתנו את הכנעני למס והורש לא הורישו׃

וידברו בני יוסף את יהושע לאמר מדוע נתתה לי נחלה גורל אחד וחבל אחד ואני עם רב עד אשר עד כה ברכני יהוה׃

ויאמר אליהם יהושע אם עם רב אתה עלה לך היערה ובראת לך שם בארץ הפרזי והרפאים כי אץ לך הר אפרים׃

ויאמרו בני יוסף לא ימצא לנו ההר ורכב ברזל בכל הכנעני הישב בארץ העמק לאשר בבית שאן ובנותיה ולאשר בעמק יזרעאל׃

ויאמר יהושע אל בית יוסף לאפרים ולמנשה לאמר עם רב אתה וכח גדול לך לא יהיה לך גורל אחד׃

כי הר יהיה לך כי יער הוא ובראתו והיה לך תצאתיו כי תוריש את הכנעני כי רכב ברזל לו כי חזק הוא׃

¶ ואלה הגוים אשר הניח יהוה לנסות בם את ישראל את כל אשר לא ידעו את כל מלחמות כנען׃

רק למען דעת דרות בני ישראל ללמדם מלחמה רק אשר לפנים לא ידעום׃

חמשת סרני פלשתים וכל הכנעני והצידני והחוי ישב הר הלבנון מהר בעל חרמון עד לבוא חמת׃

¶ ויספו בני ישראל לעשות הרע בעיני יהוה ואהוד מת׃

וימכרם יהוה ביד יבין מלך כנען אשר מלך בחצור ושר צבאו סיסרא והוא יושב בחרשת הגוים׃

ויצעקו בני ישראל אל יהוה כי תשע מאות רכב ברזל לו והוא לחץ את בני ישראל בחזקה עשרים שנה׃

וכנען ילד את צידון בכרו ואת חת׃

ואת היבוסי ואת האמרי ואת הגרגשי׃

ואת החוי ואת הערקי ואת הסיני׃

ואת הארודי ואת הצמרי ואת החמתי׃

לסיחון מלך האמרי ולעוג מלך הבשן ולכל ממלכות כנען׃

ונתן ארצם נחלה נחלה לישראל עמו׃