פסוקים על Canaanites: Not expelled

10 פסוקים · 15 היבטים

פסוקים על Not expelled

יְהוֹשֻעַ י״ז:י״ב
ולא יכלו בני מנשה להוריש את הערים האלה ויואל הכנעני לשבת בארץ הזאת׃
יְהוֹשֻעַ י״ז:י״ג
ויהי כי חזקו בני ישראל ויתנו את הכנעני למס והורש לא הורישו׃
יְהוֹשֻעַ י״ז:י״ד
וידברו בני יוסף את יהושע לאמר מדוע נתתה לי נחלה גורל אחד וחבל אחד ואני עם רב עד אשר עד כה ברכני יהוה׃
יְהוֹשֻעַ י״ז:ט״ו
ויאמר אליהם יהושע אם עם רב אתה עלה לך היערה ובראת לך שם בארץ הפרזי והרפאים כי אץ לך הר אפרים׃
יְהוֹשֻעַ י״ז:ט״ז
ויאמרו בני יוסף לא ימצא לנו ההר ורכב ברזל בכל הכנעני הישב בארץ העמק לאשר בבית שאן ובנותיה ולאשר בעמק יזרעאל׃
יְהוֹשֻעַ י״ז:י״ז
ויאמר יהושע אל בית יוסף לאפרים ולמנשה לאמר עם רב אתה וכח גדול לך לא יהיה לך גורל אחד׃
יְהוֹשֻעַ י״ז:י״ח
כי הר יהיה לך כי יער הוא ובראתו והיה לך תצאתיו כי תוריש את הכנעני כי רכב ברזל לו כי חזק הוא׃
שֹׁפְטִים ג׳:א׳
¶ ואלה הגוים אשר הניח יהוה לנסות בם את ישראל את כל אשר לא ידעו את כל מלחמות כנען׃
שֹׁפְטִים ג׳:ב׳
רק למען דעת דרות בני ישראל ללמדם מלחמה רק אשר לפנים לא ידעום׃
שֹׁפְטִים ג׳:ג׳
חמשת סרני פלשתים וכל הכנעני והצידני והחוי ישב הר הלבנון מהר בעל חרמון עד לבוא חמת׃