פסוקים על Barnabas

32 פסוקים · 14 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ד׳:ל״ו

    ויוסף אשר כנוהו השליחים בשם בר נבא פרושו בן הנחמה איש לוי אשר נולד בארץ כתים׃

  2. מַעֲשֵׂי הַשְּׁלִיחִים ד׳:ל״ז

    גם לו היה שדה וימכרהו ויבא את הכסף וישימהו לרגלי השליחים׃

  3. מַעֲשֵׂי הַשְּׁלִיחִים ט׳:כ״ה

    ויקחו אתו התלמידים לילה ויורידהו בסל בעד החומה׃

  4. מַעֲשֵׂי הַשְּׁלִיחִים ט׳:כ״ו

    ויהי כבוא שאול ירושלימה ויבקש להלות אל התלמידים וייראו כלם מפניו ולא האמינו כי תלמיד הוא׃

  5. מַעֲשֵׂי הַשְּׁלִיחִים ט׳:כ״ז

    ויקח אתו בר נבא ויביאהו אל השליחים ויספר להם את אשר ראה בדרך את האדון וכי הוא דבר אליו ואיך בדמשק השמיע בבטחון את שם ישוע׃

  6. מַעֲשֵׂי הַשְּׁלִיחִים י״ד:א׳

    ¶ ויהי באיקניון ויבאו יחדו אל בית כנסת היהודים וידברו שם עד כי האמין המון רב מן היהודים ומן היונים׃

  7. מַעֲשֵׂי הַשְּׁלִיחִים י״ד:ב׳

    אך היהודים אשר לא האמינו עוררו והכעיסו את נפשות הגוים על האחים׃

  8. מַעֲשֵׂי הַשְּׁלִיחִים י״ד:ג׳

    וישבו שם ימים רבים וילמדו בבטחונם ביהוה העמיד על דבר חסדו בעשותו על ידם אתות ומופתים׃

  9. מַעֲשֵׂי הַשְּׁלִיחִים י״ד:ד׳

    ויחלק המון העיר לחצי אלה נטו אחרי היהודים ואלה אחרי השליחים׃

  10. מַעֲשֵׂי הַשְּׁלִיחִים י״ד:ה׳

    ויהי רגשת הגוים והיהודים עם ראשיהם להתעלל בהם ולסקלם׃

  11. מַעֲשֵׂי הַשְּׁלִיחִים י״ד:ו׳

    ויודע להם ויברחו לערי לוקוניא אל לוסטרא ודרבי וסביבותן׃

  12. מַעֲשֵׂי הַשְּׁלִיחִים י״ד:ז׳

    ויבשרו שם הבשורה׃

  13. מַעֲשֵׂי הַשְּׁלִיחִים י״ד:י״ב

    ויקראו לבר נבא בל ולפולוס קראו הרמיס באשר הוא ראש המדברים׃

  14. מַעֲשֵׂי הַשְּׁלִיחִים י״ד:י״ג

    וכהן בית בל אשר מחוץ לעירם הביא השערה שורים ועטרות ויחפץ לזבח הוא והמון העם׃

  15. מַעֲשֵׂי הַשְּׁלִיחִים י״ד:י״ד

    ויהי כשמע זאת השליחים פולוס ובר נבא ויקרעו את בגדיהם וירוצו אל תוך העם׃

  16. מַעֲשֵׂי הַשְּׁלִיחִים י״ד:ט״ו

    ויצעקו לאמר אנשים למה תעשו כזאת גם אנחנו בני אדם חלשים כמוכם ונבשרה אתכם למען שוב תשובו מן הבליכם אלה אל אלהים חיים אשר עשה את השמים ואת הארץ ואת הים ואת כל אשר בם׃

  17. מַעֲשֵׂי הַשְּׁלִיחִים י״ד:ט״ז

    ואשר בדרות קדם הניח לכל הגוים ללכת בדרכיהם׃

  18. מַעֲשֵׂי הַשְּׁלִיחִים י״ד:י״ז

    וגם לא חדל להעיד על עצמו וייטב לנו בתתו מטר מן השמים ועתות שבע וימלא לבותינו מזון וששון׃

  19. מַעֲשֵׂי הַשְּׁלִיחִים י״ד:י״ח

    ואף בדברים האלה כמעט לא עצרו כח לכלוא את העם מזבח להם׃

  20. מַעֲשֵׂי הַשְּׁלִיחִים ט״ו:ל״ו

    ויהי מקץ ימים ויאמר פולוס אל בר נבא לכה ונשובה ונפקדה את אחינו בכל עיר ועיר אשר קראנו שם את דבר יהוה ונראה מה המה׃

  21. מַעֲשֵׂי הַשְּׁלִיחִים ט״ו:ל״ז

    ובר נבא יעץ לקחת אתם את יוחנן המכנה מרקוס׃

  22. מַעֲשֵׂי הַשְּׁלִיחִים ט״ו:ל״ח

    אך פולוס לא אבה לקחת אתם את האיש אשר סר מעליהם בפמפוליא ולא הלך אתם במלאכתם׃

  23. מַעֲשֵׂי הַשְּׁלִיחִים ט״ו:ל״ט

    ויהי רגז עד אשר נפרדו איש מאחיו ויקח בר נבא את מרקוס ויסע באניה אל קפרוס׃

  24. אִגֶּרֶת פּוֹלוֹס הַשָּׁלִיחַ אֶל־הַגָּלָטִיִּים ב׳:א׳

    ¶ אחרי כן מקץ ארבע עשרה שנה שבתי ועליתי לירושלים עם בר נבא ואקח אתי גם את טיטוס׃

  25. אִגֶּרֶת פּוֹלוֹס הַשָּׁלִיחַ אֶל־הַגָּלָטִיִּים ב׳:ב׳

    ואעל שמה על פי מחזה ואשים לפניהם את הבשורה אשר קראתי בגוים וביחוד שמתיה לפני החשובים שבהם פן תהיה לריק מרוצתי אשר ארוץ או רצתי׃