פסוקים על Ascension

28 פסוקים · 3 היבטים

פסוקי מפתח

סינון לפי ספר
  1. 2 מְלָכִים ב׳:א׳

    ¶ ויהי בהעלות יהוה את אליהו בסערה השמים וילך אליהו ואלישע מן הגלגל׃

  2. 2 מְלָכִים ב׳:ב׳

    ויאמר אליהו אל אלישע שב נא פה כי יהוה שלחני עד בית אל ויאמר אלישע חי יהוה וחי נפשך אם אעזבך וירדו בית אל׃

  3. 2 מְלָכִים ב׳:ג׳

    ויצאו בני הנביאים אשר בית אל אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו׃

  4. 2 מְלָכִים ב׳:ד׳

    ויאמר לו אליהו אלישע שב נא פה כי יהוה שלחני יריחו ויאמר חי יהוה וחי נפשך אם אעזבך ויבאו יריחו׃

  5. 2 מְלָכִים ב׳:ה׳

    ויגשו בני הנביאים אשר ביריחו אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו׃

  6. 2 מְלָכִים ב׳:ו׳

    ויאמר לו אליהו שב נא פה כי יהוה שלחני הירדנה ויאמר חי יהוה וחי נפשך אם אעזבך וילכו שניהם׃

  7. 2 מְלָכִים ב׳:ז׳

    וחמשים איש מבני הנביאים הלכו ויעמדו מנגד מרחוק ושניהם עמדו על הירדן׃

  8. 2 מְלָכִים ב׳:ח׳

    ויקח אליהו את אדרתו ויגלם ויכה את המים ויחצו הנה והנה ויעברו שניהם בחרבה׃

  9. 2 מְלָכִים ב׳:ט׳

    ויהי כעברם ואליהו אמר אל אלישע שאל מה אעשה לך בטרם אלקח מעמך ויאמר אלישע ויהי נא פי שנים ברוחך אלי׃

  10. 2 מְלָכִים ב׳:י׳

    ויאמר הקשית לשאול אם תראה אתי לקח מאתך יהי לך כן ואם אין לא יהיה׃

  11. 2 מְלָכִים ב׳:י״א

    ויהי המה הלכים הלוך ודבר והנה רכב אש וסוסי אש ויפרדו בין שניהם ויעל אליהו בסערה השמים׃

  12. 2 מְלָכִים ב׳:י״ב

    ואלישע ראה והוא מצעק אבי אבי רכב ישראל ופרשיו ולא ראהו עוד ויחזק בבגדיו ויקרעם לשנים קרעים׃

  13. 2 מְלָכִים ב׳:י״ג

    וירם את אדרת אליהו אשר נפלה מעליו וישב ויעמד על שפת הירדן׃

  14. 2 מְלָכִים ב׳:י״ד

    ויקח את אדרת אליהו אשר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישע׃

  15. 2 מְלָכִים ב׳:ט״ו

    ויראהו בני הנביאים אשר ביריחו מנגד ויאמרו נחה רוח אליהו על אלישע ויבאו לקראתו וישתחוו לו ארצה׃

  16. 2 מְלָכִים ב׳:ט״ז

    ויאמרו אליו הנה נא יש את עבדיך חמשים אנשים בני חיל ילכו נא ויבקשו את אדניך פן נשאו רוח יהוה וישלכהו באחד ההרים או באחת הגיאות ויאמר לא תשלחו׃

  17. 2 מְלָכִים ב׳:י״ז

    ויפצרו בו עד בש ויאמר שלחו וישלחו חמשים איש ויבקשו שלשה ימים ולא מצאהו׃

  18. 2 מְלָכִים ב׳:י״ח

    וישבו אליו והוא ישב ביריחו ויאמר אלהם הלוא אמרתי אליכם אל תלכו׃

  19. סנט מארק ט״ז:י״ט

    ויהי אחרי אשר דבר אתם האדון וינשא השמימה וישב לימין האלהים׃

  20. סנט מארק ט״ז:כ׳

    והמה יצאו ויקראו בכל המקמות והאדון עזרם ויחזק את הדבר באתות הבאות אחרי דברם אמן׃

  21. הבְּשׂוֹרָה הַקְּדוֹשָׁה עַל־פִּי לוּקָס כ״ד:נ׳

    ויוליכם מחוץ לעיר עד בית היני וישא את ידיו ויברכם׃

  22. הבְּשׂוֹרָה הַקְּדוֹשָׁה עַל־פִּי לוּקָס כ״ד:נ״א

    ויהי בברכו אתם ויפרד מאתם וינשא השמימה׃

  23. הבְּשׂוֹרָה הַקְּדוֹשָׁה עַל־פִּי לוּקָס כ״ד:נ״ב

    והם השתחוו לו וישובו לירושלים בשמחה גדולה׃

  24. הבְּשׂוֹרָה הַקְּדוֹשָׁה עַל־פִּי לוּקָס כ״ד:נ״ג

    ויהיו תמיד במקדש מהללים ומברכים את האלהים אמן׃

  25. מַעֲשֵׂי הַשְּׁלִיחִים א׳:ט׳

    ויהי כדברו זאת העלה והם ראים וישאהו ענן מנגד עיניהם׃