פסוקים על Ascension: Of Jesus

ויהי אחרי אשר דבר אתם האדון וינשא השמימה וישב לימין האלהים׃

והמה יצאו ויקראו בכל המקמות והאדון עזרם ויחזק את הדבר באתות הבאות אחרי דברם אמן׃

ויוליכם מחוץ לעיר עד בית היני וישא את ידיו ויברכם׃

ויהי בברכו אתם ויפרד מאתם וינשא השמימה׃

והם השתחוו לו וישובו לירושלים בשמחה גדולה׃

ויהיו תמיד במקדש מהללים ומברכים את האלהים אמן׃

ויהי כדברו זאת העלה והם ראים וישאהו ענן מנגד עיניהם׃

ויביטו אחריו השמימה בעברו והנה שני אנשים לבושי בדים נצבים עליהם׃

ויאמרו אתם אנשי הגליל מה תעמדו פה ועיניכם השמימה ישוע זה אשר לקח מאתכם השמימה כן בוא יבוא כאשר ראיתם אתו עלה השמימה׃

ויפנו וילכו ירושלימה מן ההר הנקרא הר הזיתים והוא קרוב לירושלים דרך תחום שבת׃