פסוקים על Ark of the Covenant

88 פסוקים · 37 היבטים

פסוקי מפתח

סינון לפי ספר
  1. שְׁמֹות כ״ה:י״ב

    ויצקת לו ארבע טבעת זהב ונתתה על ארבע פעמתיו ושתי טבעת על צלעו האחת ושתי טבעת על צלעו השנית׃

  2. שְׁמֹות כ״ה:י״ג

    ועשית בדי עצי שטים וצפית אתם זהב׃

  3. שְׁמֹות כ״ה:י״ד

    והבאת את הבדים בטבעת על צלעת הארן לשאת את הארן בהם׃

  4. שְׁמֹות כ״ה:ט״ו

    בטבעת הארן יהיו הבדים לא יסרו ממנו׃

  5. שְׁמֹות ל״ז:ג׳

    ויצק לו ארבע טבעת זהב על ארבע פעמתיו ושתי טבעת על צלעו האחת ושתי טבעות על צלעו השנית׃

  6. שְׁמֹות ל״ז:ד׳

    ויעש בדי עצי שטים ויצף אתם זהב׃

  7. שְׁמֹות ל״ז:ה׳

    ויבא את הבדים בטבעת על צלעת הארן לשאת את הארן׃

  8. יְהוֹשֻעַ ו׳:ו׳

    ויקרא יהושע בן נון אל הכהנים ויאמר אלהם שאו את ארון הברית ושבעה כהנים ישאו שבעה שופרות יובלים לפני ארון יהוה׃

  9. יְהוֹשֻעַ ו׳:ז׳

    ויאמרו אל העם עברו וסבו את העיר והחלוץ יעבר לפני ארון יהוה׃

  10. יְהוֹשֻעַ ו׳:ח׳

    ויהי כאמר יהושע אל העם ושבעה הכהנים נשאים שבעה שופרות היובלים לפני יהוה עברו ותקעו בשופרות וארון ברית יהוה הלך אחריהם׃

  11. יְהוֹשֻעַ ו׳:ט׳

    והחלוץ הלך לפני הכהנים תקעו השופרות והמאסף הלך אחרי הארון הלוך ותקוע בשופרות׃

  12. יְהוֹשֻעַ ו׳:י׳

    ואת העם צוה יהושע לאמר לא תריעו ולא תשמיעו את קולכם ולא יצא מפיכם דבר עד יום אמרי אליכם הריעו והריעתם׃

  13. יְהוֹשֻעַ ו׳:י״א

    ויסב ארון יהוה את העיר הקף פעם אחת ויבאו המחנה וילינו במחנה׃

  14. יְהוֹשֻעַ ו׳:י״ב

    וישכם יהושע בבקר וישאו הכהנים את ארון יהוה׃

  15. יְהוֹשֻעַ ו׳:י״ג

    ושבעה הכהנים נשאים שבעה שופרות היבלים לפני ארון יהוה הלכים הלוך ותקעו בשופרות והחלוץ הלך לפניהם והמאסף הלך אחרי ארון יהוה הולך ותקוע בשופרות׃

  16. יְהוֹשֻעַ ו׳:י״ד

    ויסבו את העיר ביום השני פעם אחת וישבו המחנה כה עשו ששת ימים׃

  17. יְהוֹשֻעַ ו׳:ט״ו

    ויהי ביום השביעי וישכמו כעלות השחר ויסבו את העיר כמשפט הזה שבע פעמים רק ביום ההוא סבבו את העיר שבע פעמים׃

  18. יְהוֹשֻעַ ו׳:ט״ז

    ויהי בפעם השביעית תקעו הכהנים בשופרות ויאמר יהושע אל העם הריעו כי נתן יהוה לכם את העיר׃

  19. יְהוֹשֻעַ ו׳:י״ז

    והיתה העיר חרם היא וכל אשר בה ליהוה רק רחב הזונה תחיה היא וכל אשר אתה בבית כי החבאתה את המלאכים אשר שלחנו׃

  20. יְהוֹשֻעַ ו׳:י״ח

    ורק אתם שמרו מן החרם פן תחרימו ולקחתם מן החרם ושמתם את מחנה ישראל לחרם ועכרתם אותו׃

  21. יְהוֹשֻעַ ו׳:י״ט

    וכל כסף וזהב וכלי נחשת וברזל קדש הוא ליהוה אוצר יהוה יבוא׃

  22. יְהוֹשֻעַ ו׳:כ׳

    וירע העם ויתקעו בשפרות ויהי כשמע העם את קול השופר ויריעו העם תרועה גדולה ותפל החומה תחתיה ויעל העם העירה איש נגדו וילכדו את העיר׃

  23. יְהוֹשֻעַ ז׳:ו׳

    ויקרע יהושע שמלתיו ויפל על פניו ארצה לפני ארון יהוה עד הערב הוא וזקני ישראל ויעלו עפר על ראשם׃

  24. יְהוֹשֻעַ ז׳:ז׳

    ויאמר יהושע אהה אדני יהוה למה העברת העביר את העם הזה את הירדן לתת אתנו ביד האמרי להאבידנו ולו הואלנו ונשב בעבר הירדן׃

  25. יְהוֹשֻעַ ז׳:ח׳

    בי אדני מה אמר אחרי אשר הפך ישראל ערף לפני איביו׃