TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 605–538 BC
The Babylonian Exile
Jerusalem falls and the temple burns; Ezekiel and Daniel minister among the exiles as Lamentations mourns the city's ruin.
פסוקים מתקופה זו
- יְחֶזְקֵאל מ״ה:ו׳בערך תקע״ד לפנה״ס
ואחזת העיר תתנו חמשת אלפים רחב וארך חמשה ועשרים אלף לעמת תרומת הקדש לכל בית ישראל יהיה׃
- יְחֶזְקֵאל מ״ה:ז׳בערך תקע״ד לפנה״ס
ולנשיא מזה ומזה לתרומת הקדש ולאחזת העיר אל פני תרומת הקדש ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימה׃
- יְחֶזְקֵאל מ״ה:ח׳בערך תקע״ד לפנה״ס
לארץ יהיה לו לאחזה בישראל ולא יונו עוד נשיאי את עמי והארץ יתנו לבית ישראל לשבטיהם׃
- יְחֶזְקֵאל מ״ה:ט׳בערך תקע״ד לפנה״ס
כה אמר אדני יהוה רב לכם נשיאי ישראל חמס ושד הסירו ומשפט וצדקה עשו הרימו גרשתיכם מעל עמי נאם אדני יהוה׃
- יְחֶזְקֵאל מ״ה:י׳בערך תקע״ד לפנה״ס
מאזני צדק ואיפת צדק ובת צדק יהי לכם׃
- יְחֶזְקֵאל מ״ה:י״אבערך תקע״ד לפנה״ס
האיפה והבת תכן אחד יהיה לשאת מעשר החמר הבת ועשירת החמר האיפה אל החמר יהיה מתכנתו׃
- יְחֶזְקֵאל מ״ה:י״בבערך תקע״ד לפנה״ס
והשקל עשרים גרה עשרים שקלים חמשה ועשרים שקלים עשרה וחמשה שקל המנה יהיה לכם׃
- יְחֶזְקֵאל מ״ה:י״גבערך תקע״ד לפנה״ס
זאת התרומה אשר תרימו ששית האיפה מחמר החטים וששיתם האיפה מחמר השערים׃
- יְחֶזְקֵאל מ״ה:י״דבערך תקע״ד לפנה״ס
וחק השמן הבת השמן מעשר הבת מן הכר עשרת הבתים חמר כי עשרת הבתים חמר׃
- יְחֶזְקֵאל מ״ה:ט״ובערך תקע״ד לפנה״ס
ושה אחת מן הצאן מן המאתים ממשקה ישראל למנחה ולעולה ולשלמים לכפר עליהם נאם אדני יהוה׃
- יְחֶזְקֵאל מ״ה:ט״זבערך תקע״ד לפנה״ס
כל העם הארץ יהיו אל התרומה הזאת לנשיא בישראל׃
- יְחֶזְקֵאל מ״ה:י״זבערך תקע״ד לפנה״ס
ועל הנשיא יהיה העולות והמנחה והנסך בחגים ובחדשים ובשבתות בכל מועדי בית ישראל הוא יעשה את החטאת ואת המנחה ואת העולה ואת השלמים לכפר בעד בית ישראל׃
- יְחֶזְקֵאל מ״ה:י״חבערך תקע״ד לפנה״ס
כה אמר אדני יהוה בראשון באחד לחדש תקח פר בן בקר תמים וחטאת את המקדש׃
- יְחֶזְקֵאל מ״ה:י״טבערך תקע״ד לפנה״ס
ולקח הכהן מדם החטאת ונתן אל מזוזת הבית ואל ארבע פנות העזרה למזבח ועל מזוזת שער החצר הפנימית׃
- יְחֶזְקֵאל מ״ה:כ׳בערך תקע״ד לפנה״ס
וכן תעשה בשבעה בחדש מאיש שגה ומפתי וכפרתם את הבית׃
- יְחֶזְקֵאל מ״ה:כ״אבערך תקע״ד לפנה״ס
בראשון בארבעה עשר יום לחדש יהיה לכם הפסח חג שבעות ימים מצות יאכל׃
- יְחֶזְקֵאל מ״ה:כ״בבערך תקע״ד לפנה״ס
ועשה הנשיא ביום ההוא בעדו ובעד כל עם הארץ פר חטאת׃
- יְחֶזְקֵאל מ״ה:כ״גבערך תקע״ד לפנה״ס
ושבעת ימי החג יעשה עולה ליהוה שבעת פרים ושבעת אילים תמימם ליום שבעת הימים וחטאת שעיר עזים ליום׃
- יְחֶזְקֵאל מ״ה:כ״דבערך תקע״ד לפנה״ס
ומנחה איפה לפר ואיפה לאיל יעשה ושמן הין לאיפה׃
- יְחֶזְקֵאל מ״ה:כ״הבערך תקע״ד לפנה״ס
בשביעי בחמשה עשר יום לחדש בחג יעשה כאלה שבעת הימים כחטאת כעלה וכמנחה וכשמן׃
- יְחֶזְקֵאל מ״ו:א׳בערך תקע״ד לפנה״ס
¶ כה אמר אדני יהוה שער החצר הפנימית הפנה קדים יהיה סגור ששת ימי המעשה וביום השבת יפתח וביום החדש יפתח׃
- יְחֶזְקֵאל מ״ו:ב׳בערך תקע״ד לפנה״ס
ובא הנשיא דרך אולם השער מחוץ ועמד על מזוזת השער ועשו הכהנים את עולתו ואת שלמיו והשתחוה על מפתן השער ויצא והשער לא יסגר עד הערב׃
- יְחֶזְקֵאל מ״ו:ג׳בערך תקע״ד לפנה״ס
והשתחוו עם הארץ פתח השער ההוא בשבתות ובחדשים לפני יהוה׃
- יְחֶזְקֵאל מ״ו:ד׳בערך תקע״ד לפנה״ס
והעלה אשר יקרב הנשיא ליהוה ביום השבת ששה כבשים תמימם ואיל תמים׃
- יְחֶזְקֵאל מ״ו:ה׳בערך תקע״ד לפנה״ס
ומנחה איפה לאיל ולכבשים מנחה מתת ידו ושמן הין לאיפה׃