Jesus

ויאמר אליהם לכו ואמרו אל השועל הזה הנני מגרש שדים ופעל רפואות היום ומחר ובשלישי אבא עד קצי׃

אבל הלוך אלך היום ומחר וממחרתו כי לא יתכן אשר יאבד נביא מחוץ לירושלים׃

ירושלים ירושלים ההרגת את הנביאים והסקלת את הנשלחים אליה כמה פעמים חפצתי לקבץ את בניך כאשר תקבץ התרנגלת את אפרוחיה תחת כנפיה ואתם לא אביתם׃

הנה ביתכם יעזב לכם שמם ואני אמר לכם כי ראה לא תראוני עד בוא העת אשר תאמרו ברוך הבא בשם יהוה׃

¶ ויהי בבאו בשבת אל בית אחד מראשי הפרושים לאכל לחם והמה ארבים לו׃

והנה איש אחד לפניו אשר גופו צבה ממים׃

ויען ישוע ויאמר אל בעלי התורה ואל הפרושים לאמר המתר לרפא בשבת אם לא ויחרישו׃

ויאחז בו וירפאהו וישלחהו׃

ולא יכלו להשיב על זאת דבר׃

וישא משלו אל הקרואים בראותו איך בחרו להם להסב בראש ויאמר אליהם׃

וגם אל האיש אשר קרא אותו אמר כי תעשה סעודת צהרים או סעודת ערב אל תקרא לאהביך ולאחיך ולקרוביך ולשכניך העשירים פן יקראו לך גם המה והיה לך לשלום׃

וישמע זאת אחד מן המסבים ויאמר אליו אשרי האכל לחם במלכות האלהים׃

והוא אמר אליו איש אחד עשה סעודה גדולה ויקרא לרבים׃

ויאמר העבד אדני כאשר צוית כן נעשה ויש עוד מקום׃

והמון עם רב הלכים אתו ויפן ויאמר אליהם׃

איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

ואשר לא ישא את צלבו ובא אחרי לא יוכל להיות תלמידי׃

ככה כל איש מכם אשר לא נפטר מכל רכושו לא יוכל להיות תלמידי׃

¶ ויהי בקרב אליו כל המוכסים והחטאים לשמע אותו׃

וילונו הפרושים והסופרים לאמר הנה זה מקבל את החטאים ואכל אתם׃

וידבר אליהם את המשל הזה לאמר׃

אני אמר לכם כי כן תהיה שמחה בשמים על חוטא אחד השב יותר מעל תשעים ותשעה צדיקים אשר לא יצטרכו לתשובה׃

כן אני אמר לכם תהיה שמחה לנפי מלאכי אלהים על חוטא אחד אשר שב מחטאו׃

ויאמר איש אחד היו לו שני בנים׃

ויאמר אליו בני אתה תמיד עמדי וכל אשר לי לך הוא׃