Jesus

ויגד אליו הנה אמך ואחיך עמדים בחוץ ומבקשים לדבר אתך׃

ויען ויאמר אל האיש המגיד לו מי היא אמי ומי הם אחי׃

ויט ידו על תלמידיו ויאמר הנה אמי ואחי׃

כי כל אשר יעשה רצון אבי שבשמים הוא אחי ואחותי ואמי׃

¶ ויהי ביום ההוא ויצא ישוע מן הבית וישב על הים׃

ויקהלו אליו המון עם רב וירד אל האניה וישב בה וכל העם עמדים על שפת הים׃

וירב לדבר אליהם במשלים לאמר הנה הזורע יצא לזרע׃

ויגשו אליו התלמידים ויאמרו למה זה במשלים תדבר אליהם׃

על כן במשלים אדבר אליהם כי בראתם לא יראו ובשמעם לא ישמעו אף לא יבינו׃

כי השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

כי אמן אמר אני לכם נביאים וצדיקים רבים נכספו לראת את אשר אתם ראים ולא ראוהו ולשמע את אשר אתם שמעים ולא שמעוהו׃

וישם לפניהם משל אחר לאמר מלכות השמים דומה לאיש אשר זרע זרע טוב בשדהו׃

וישם לפניהם משל אחר לאמר מלכות השמים דומה לגרגר של חרדל אשר לקחו איש ויזרעהו בשדהו׃

וישא עוד משלו ויאמר מלכות השמים דומה לשאר אשר לקחתו אשה ותטמנהו בשלש סאים קמח עד כי יחמץ כלו׃

כל זאת דבר ישוע במשלים אל המון העם ובבלי משל לא דבר אליהם׃

למלאת את אשר דבר הנביא לאמר אפתחה במשל פי אביעה חידות מני קדם׃

אז שלח ישוע את המון העם ויבא הביתה ויגשו אליו תלמידיו ויאמרו באר נא לנו את משל זוני השדה׃

ויען ויאמר אליהם הזורע את הזרע הטוב הוא בן האדם׃

בן האדם ישלח את מלאכיו ולקטו ממלכותו את כל המכשלות ואת כל פעלי האון׃

ויאמר אליהם ישוע האתם הבינותם את כל זאת ויאמרו אליו כן אדנינו׃

ויאמר אליהם על כן כל סופר המלמד למלכות השמים דומה לאיש בעל הבית המוציא מאוצרו חדשות וישנות׃

ויהי ככלות ישוע את המשלים האלה ויעבר משם׃

ויבא לארצו וילמד אתם בבית כנסתם עד כי השתוממו ויאמרו מאין לזה החכמה הזאת והגבורות׃

הלא זה הוא בן החרש הלא אמו שמה מרים ואחיו יעקב ויוסי ושמעון ויהודה׃

ואחיותיו הלא כלן אתנו הן ומאין איפוא לו כל אלה׃