God

11,427 פסוקים · 2 בני משפחה

פסוקים המזכירים את God

סינון לפי ספר
  1. מַעֲשֵׂי הַשְּׁלִיחִים ד׳:כ״ד

    ויהי כאשר שמעו את זאת וישאו את קולם בלב אחד לאלהים ויאמרו אדני אתה האל העשה את השמים ואת הארץ ואת הים ואת כל אשר בם׃

  2. מַעֲשֵׂי הַשְּׁלִיחִים ד׳:ל״א

    ויהי כאשר התפללו וינע המקום אשר היו נקהלים שם וימלאו כלם רוח הקדש וידברו את דבר האלהים בבטחון לבב׃

  3. מַעֲשֵׂי הַשְּׁלִיחִים ה׳:ד׳

    הלא שלך היה טרם המכרו וגם אחרי נמכר היה בידך ולמה שמת על לבבך הדבר הזה לא שקרת בבני אדם כי אם באלהים׃

  4. מַעֲשֵׂי הַשְּׁלִיחִים ה׳:כ״ט

    ויען פטרוס והשליחים ויאמרו הלא עלינו להקשיב בקול אלהים מהקשיב בקול בני אדם׃

  5. מַעֲשֵׂי הַשְּׁלִיחִים ה׳:ל׳

    אלהי אבותינו הקים את ישוע אשר שלחתם ידכם בו ותתלו אותו על העץ׃

  6. מַעֲשֵׂי הַשְּׁלִיחִים ה׳:ל״א

    את זה נשא האלהים בימינו לשר ולמושיע לתת תשובה לישראל וסליחת החטאים׃

  7. מַעֲשֵׂי הַשְּׁלִיחִים ה׳:ל״ב

    ואנחנו עדיו על אלה וגם רוח הקדש אשר נתן אותו האלהים לשמעים בקולו׃

  8. מַעֲשֵׂי הַשְּׁלִיחִים ה׳:ל״ט

    ואם מאת האלהים היא לא תוכלו להפר אתה פן תמצאו נלחמים את האלהים׃

  9. מַעֲשֵׂי הַשְּׁלִיחִים ו׳:ב׳

    ויקראו שנים העשר את המון התלמידים ויאמרו לא נאוה לנו כי נעזב את דבר האלהים ונשמש את השלחנות׃

  10. מַעֲשֵׂי הַשְּׁלִיחִים ו׳:ז׳

    ויהי דבר האלהים הולך וגדל וירב מספר התלמידים בירושלים עד מאד וגם המון רב מן הכהנים נכנעו אל האמונה׃

  11. מַעֲשֵׂי הַשְּׁלִיחִים ו׳:י״א

    ויסיתו בו אנשים אמרים שמענו אתו מדבר גדופים במשה ובאלהים׃

  12. מַעֲשֵׂי הַשְּׁלִיחִים ז׳:ב׳

    ויען ויאמר אנשים אחים ואבות שמעו אלהי הכבוד נראה אל אברהם אבינו בהיותו בארם נהרים לפני שבתו בחרן׃

  13. מַעֲשֵׂי הַשְּׁלִיחִים ז׳:ג׳

    ויאמר אליו לך לך מארצך וממולדתך ובא אל הארץ אשר אראך׃

  14. מַעֲשֵׂי הַשְּׁלִיחִים ז׳:ו׳

    ויאמר לו אלהים כי גר יהיה זרעו בארץ לא להם ועבדום וענו אתם ארבע מאות שנה׃

  15. מַעֲשֵׂי הַשְּׁלִיחִים ז׳:ז׳

    וגם את הגוי אשר יעבדו דן אנכי אמר אלהים ואחרי כן יצאו ויעבדוני במקום הזה׃

  16. מַעֲשֵׂי הַשְּׁלִיחִים ז׳:ט׳

    ויקנאו האבות ביוסף וימכרו אותו מצרימה ואלהים היה עמו׃

  17. מַעֲשֵׂי הַשְּׁלִיחִים ז׳:י״ז

    ויהי כאשר קרבה עת ההבטחה אשר נשבע אלהים לאברהם ויגדל העם וירב במצרים׃

  18. מַעֲשֵׂי הַשְּׁלִיחִים ז׳:כ״ה

    ויחשב בלבבו כי יבינו אחיו אשר על ידו יתן האלהים להם תשועה והם לא הבינו׃

  19. מַעֲשֵׂי הַשְּׁלִיחִים ז׳:ל״ב

    אנכי אלהי אבותיך אלהי אברהם אלהי יצחק ואלהי יעקב ויחרד משה ויירא מהביט׃

  20. מַעֲשֵׂי הַשְּׁלִיחִים ז׳:ל״ד

    ראה ראיתי את עני עמי אשר במצרים ואת נאקתם שמעתי וארד להצילם ועתה לכה ואשלחך מצרימה׃

  21. מַעֲשֵׂי הַשְּׁלִיחִים ז׳:ל״ה

    הוא משה אשר כחשו בו לאמר מי שמך לשר ושפט אתו שלח האלהים לשר וגאל ביד המלאך הנראה אליו בסנה׃

  22. מַעֲשֵׂי הַשְּׁלִיחִים ז׳:ל״ז

    הוא משה אשר אמר אל בני ישראל נביא מקרב אחיכם כמני יקים לכם יהוה אלהיכם אליו תשמעון׃

  23. מַעֲשֵׂי הַשְּׁלִיחִים ז׳:מ״ב

    ויפן מהם האלהים ויתנם לעבד את צבא השמים כאשר כתוב בספר הנביאים הזבחים ומנחה הגשתם לי במדבר ארבעים שנה בית ישראל׃

  24. מַעֲשֵׂי הַשְּׁלִיחִים ז׳:מ״ג

    ונשאתם את סכת מלכם ואת כוכב אלהיכם רמפן הצלמים אשר עשיתם להשתחות להם והגליתי אתכם מהלאה לבבל׃

  25. מַעֲשֵׂי הַשְּׁלִיחִים ז׳:מ״ה

    ואבותינו לקחהו וגם הביאהו אתם הם ויהושע ברשתם את ארצות הגוים אשר גרש אתם אלהים מפני אבותינו עד ימי דוד׃