God

עד מה יהוה תסתר לנצח תבער כמו אש חמתך׃

זכר אני מה חלד על מה שוא בראת כל בני אדם׃

איה חסדיך הראשנים אדני נשבעת לדוד באמונתך׃

זכר אדני חרפת עבדיך שאתי בחיקי כל רבים עמים׃

אשר חרפו אויביך יהוה אשר חרפו עקבות משיחך׃

ברוך יהוה לעולם אמן ואמן׃

¶ תפלה למשה איש האלהים אדני מעון אתה היית לנו בדר ודר׃

בטרם הרים ילדו ותחולל ארץ ותבל ומעולם עד עולם אתה אל׃

כי אלף שנים בעיניך כיום אתמול כי יעבר ואשמורה בלילה׃

כי כלינו באפך ובחמתך נבהלנו׃

שת עונתינו לנגדך עלמנו למאור פניך׃

כי כל ימינו פנו בעברתך כלינו שנינו כמו הגה׃

מי יודע עז אפך וכיראתך עברתך׃

שובה יהוה עד מתי והנחם על עבדיך׃

שבענו בבקר חסדך ונרננה ונשמחה בכל ימינו׃

שמחנו כימות עניתנו שנות ראינו רעה׃

יראה אל עבדיך פעלך והדרך על בניהם׃

ויהי נעם אדני אלהינו עלינו ומעשה ידינו כוננה עלינו ומעשה ידינו כוננהו׃

¶ ישב בסתר עליון בצל שדי יתלונן׃

אמר ליהוה מחסי ומצודתי אלהי אבטח בו׃

כי הוא יצילך מפח יקוש מדבר הוות׃

באברתו יסך לך ותחת כנפיו תחסה צנה וסחרה אמתו׃

כי אתה יהוה מחסי עליון שמת מעונך׃

כי מלאכיו יצוה לך לשמרך בכל דרכיך׃

כי בי חשק ואפלטהו אשגבהו כי ידע שמי׃