God

יקראני ואענהו עמו אנכי בצרה אחלצהו ואכבדהו׃

ארך ימים אשביעהו ואראהו בישועתי׃

¶ מזמור שיר ליום השבת טוב להדות ליהוה ולזמר לשמך עליון׃

להגיד בבקר חסדך ואמונתך בלילות׃

כי שמחתני יהוה בפעלך במעשי ידיך ארנן׃

מה גדלו מעשיך יהוה מאד עמקו מחשבתיך׃

ואתה מרום לעלם יהוה׃

כי הנה איביך יהוה כי הנה איביך יאבדו יתפרדו כל פעלי און׃

ותרם כראים קרני בלתי בשמן רענן׃

שתולים בבית יהוה בחצרות אלהינו יפריחו׃

להגיד כי ישר יהוה צורי ולא עלתה בו׃

¶ יהוה מלך גאות לבש לבש יהוה עז התאזר אף תכון תבל בל תמוט׃

נכון כסאך מאז מעולם אתה׃

נשאו נהרות יהוה נשאו נהרות קולם ישאו נהרות דכים׃

מקלות מים רבים אדירים משברי ים אדיר במרום יהוה׃

עדתיך נאמנו מאד לביתך נאוה קדש יהוה לארך ימים׃

¶ אל נקמות יהוה אל נקמות הופיע׃

הנשא שפט הארץ השב גמול על גאים׃

עד מתי רשעים יהוה עד מתי רשעים יעלזו׃

עמך יהוה ידכאו ונחלתך יענו׃

ויאמרו לא יראה יה ולא יבין אלהי יעקב׃

הנטע אזן הלא ישמע אם יצר עין הלא יביט׃

היסר גוים הלא יוכיח המלמד אדם דעת׃

יהוה ידע מחשבות אדם כי המה הבל׃

אשרי הגבר אשר תיסרנו יה ומתורתך תלמדנו׃