God

ולא נסוג ממך תחינו ובשמך נקרא׃

יהוה אלהים צבאות השיבנו האר פניך ונושעה׃

¶ למנצח על הגתית לאסף הרנינו לאלהים עוזנו הריעו לאלהי יעקב׃

כי חק לישראל הוא משפט לאלהי יעקב׃

עדות ביהוסף שמו בצאתו על ארץ מצרים שפת לא ידעתי אשמע׃

הסירותי מסבל שכמו כפיו מדוד תעברנה׃

בצרה קראת ואחלצך אענך בסתר רעם אבחנך על מי מריבה סלה׃

שמע עמי ואעידה בך ישראל אם תשמע לי׃

אנכי יהוה אלהיך המעלך מארץ מצרים הרחב פיך ואמלאהו׃

ולא שמע עמי לקולי וישראל לא אבה לי׃

ואשלחהו בשרירות לבם ילכו במועצותיהם׃

לו עמי שמע לי ישראל בדרכי יהלכו׃

כמעט אויביהם אכניע ועל צריהם אשיב ידי׃

משנאי יהוה יכחשו לו ויהי עתם לעולם׃

ויאכילהו מחלב חטה ומצור דבש אשביעך׃

¶ מזמור לאסף אלהים נצב בעדת אל בקרב אלהים ישפט׃

אני אמרתי אלהים אתם ובני עליון כלכם׃

קומה אלהים שפטה הארץ כי אתה תנחל בכל הגוים׃

¶ שיר מזמור לאסף אלהים אל דמי לך אל תחרש ואל תשקט אל׃

כי הנה אויביך יהמיון ומשנאיך נשאו ראש׃

על עמך יערימו סוד ויתיעצו על צפוניך׃

כי נועצו לב יחדו עליך ברית יכרתו׃

אשר אמרו נירשה לנו את נאות אלהים׃

אלהי שיתמו כגלגל כקש לפני רוח׃

כן תרדפם בסערך ובסופתך תבהלם׃