God

כי השפילו ותאמר גוה ושח עינים יושע׃

מי יתן ידעתי ואמצאהו אבוא עד תכונתו׃

אערכה לפניו משפט ופי אמלא תוכחות׃

אדעה מלים יענני ואבינה מה יאמר לי׃

הברב כח יריב עמדי לא אך הוא ישם בי׃

שם ישר נוכח עמו ואפלטה לנצח משפטי׃

הן קדם אהלך ואיננו ואחור ולא אבין לו׃

שמאול בעשתו ולא אחז יעטף ימין ולא אראה׃

כי ידע דרך עמדי בחנני כזהב אצא׃

באשרו אחזה רגלי דרכו שמרתי ולא אט׃

מצות שפתיו ולא אמיש מחקי צפנתי אמרי פיו׃

והוא באחד ומי ישיבנו ונפשו אותה ויעש׃

כי ישלים חקי וכהנה רבות עמו׃

על כן מפניו אבהל אתבונן ואפחד ממנו׃

ואל הרך לבי ושדי הבהילני׃

כי לא נצמתי מפני חשך ומפני כסה אפל׃

¶ מדוע משדי לא נצפנו עתים וידעו לא חזו ימיו׃

מעיר מתים ינאקו ונפש חללים תשוע ואלוה לא ישים תפלה׃

יתן לו לבטח וישען ועיניהו על דרכיהם׃

המשל ופחד עמו עשה שלום במרומיו׃

היש מספר לגדודיו ועל מי לא יקום אורהו׃

ומה יצדק אנוש עם אל ומה יזכה ילוד אשה׃

הן עד ירח ולא יאהיל וכוכבים לא זכו בעיניו׃

ערום שאול נגדו ואין כסות לאבדון׃

צרר מים בעביו ולא נבקע ענן תחתם׃