פסוקים על Vanity

שוא לכם משכימי קום מאחרי שבת אכלי לחם העצבים כן יתן לידידו שנא׃

אדם להבל דמה ימיו כצל עובר׃

לא יועילו אוצרות רשע וצדקה תציל ממות׃

עבד אדמתו ישבע לחם ומרדף ריקים חסר לב׃

הון מהבל ימעט וקבץ על יד ירבה׃

פעל אוצרות בלשון שקר הבל נדף מבקשי מות׃

זורע עולה יקצור און ושבט עברתו יכלה׃

עבד אדמתו ישבע לחם ומרדף רקים ישבע ריש׃

שוא ודבר כזב הרחק ממני ראש ועשר אל תתן לי הטריפני לחם חקי׃

שקר החן והבל היפי אשה יראת יהוה היא תתהלל׃

הבל הבלים אמר קהלת הבל הבלים הכל הבל׃

¶ אמרתי אני בלבי לכה נא אנסכה בשמחה וראה בטוב והנה גם הוא הבל׃

תרתי בלבי למשוך ביין את בשרי ולבי נהג בחכמה ולאחז בסכלות עד אשר אראה אי זה טוב לבני האדם אשר יעשו תחת השמים מספר ימי חייהם׃

הגדלתי מעשי בניתי לי בתים נטעתי לי כרמים׃

עשיתי לי גנות ופרדסים ונטעתי בהם עץ כל פרי׃

עשיתי לי ברכות מים להשקות מהם יער צומח עצים׃

קניתי עבדים ושפחות ובני בית היה לי גם מקנה בקר וצאן הרבה היה לי מכל שהיו לפני בירושלם׃

כנסתי לי גם כסף וזהב וסגלת מלכים והמדינות עשיתי לי שרים ושרות ותענוגת בני האדם שדה ושדות׃

וגדלתי והוספתי מכל שהיה לפני בירושלם אף חכמתי עמדה לי׃

וכל אשר שאלו עיני לא אצלתי מהם לא מנעתי את לבי מכל שמחה כי לבי שמח מכל עמלי וזה היה חלקי מכל עמלי׃

ופניתי אני בכל מעשי שעשו ידי ובעמל שעמלתי לעשות והנה הכל הבל ורעות רוח ואין יתרון תחת השמש׃

ואמרתי אני בלבי כמקרה הכסיל גם אני יקרני ולמה חכמתי אני אז יותר ודברתי בלבי שגם זה הבל׃

כי יש אדם שעמלו בחכמה ובדעת ובכשרון ולאדם שלא עמל בו יתננו חלקו גם זה הבל ורעה רבה׃

כי לאדם שטוב לפניו נתן חכמה ודעת ושמחה ולחוטא נתן ענין לאסוף ולכנוס לתת לטוב לפני האלהים גם זה הבל ורעות רוח׃

וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃