פסוקים על Vanity

אתה הראת לדעת כי יהוה הוא האלהים אין עוד מלבדו׃

וימאסו את חקיו ואת בריתו אשר כרת את אבותם ואת עדותיו אשר העיד בם וילכו אחרי ההבל ויהבלו ואחרי הגוים אשר סביבתם אשר צוה יהוה אתם לבלתי עשות כהם׃

מאסתי לא לעלם אחיה חדל ממני כי הבל ימי׃

כי הוא ידע מתי שוא וירא און ולא יתבונן׃

ואיש נבוב ילבב ועיר פרא אדם יולד׃

אל יאמן בשו נתעה כי שוא תהיה תמורתו׃

מה שדי כי נעבדנו ומה נועיל כי נפגע בו׃

¶ למה רגשו גוים ולאמים יהגו ריק׃

בני איש עד מה כבודי לכלמה תאהבון ריק תבקשו כזב סלה׃

אלה פיהו מלא ומרמות ותך תחת לשונו עמל ואון׃

שוא ידברו איש את רעהו שפת חלקות בלב ולב ידברו׃

נקי כפים ובר לבב אשר לא נשא לשוא נפשי ולא נשבע למרמה׃

לא ישבתי עם מתי שוא ועם נעלמים לא אבוא׃

שנאתי השמרים הבלי שוא ואני אל יהוה בטחתי׃

און יחשב על משכבו יתיצב על דרך לא טוב רע לא ימאס׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

אך בצלם יתהלך איש אך הבל יהמיון יצבר ולא ידע מי אספם׃

בתוכחות על עון יסרת איש ותמס כעש חמודו אך הבל כל אדם סלה׃

ואם בא לראות שוא ידבר לבו יקבץ און לו יצא לחוץ ידבר׃

הבה לנו עזרת מצר ושוא תשועת אדם׃

אך הבל בני אדם כזב בני איש במאזנים לעלות המה מהבל יחד׃

ויכל בהבל ימיהם ושנותם בבהלה׃

יהוה ידע מחשבות אדם כי המה הבל׃

העבר עיני מראות שוא בדרכך חיני׃

סעפים שנאתי ותורתך אהבתי׃