פסוקים על Time

82 פסוקים · 44 היבטים

פסוקי מפתח

סינון לפי ספר
  1. 2 מְלָכִים כ׳:י״א

    ויקרא ישעיהו הנביא אל יהוה וישב את הצל במעלות אשר ירדה במעלות אחז אחרנית עשר מעלות׃

  2. 1 דִּבְרֵי הַיָּמִים כ״ז:א׳

    ¶ ובני ישראל למספרם ראשי האבות ושרי האלפים והמאות ושטריהם המשרתים את המלך לכל דבר המחלקות הבאה והיצאת חדש בחדש לכל חדשי השנה המחלקת האחת עשרים וארבעה אלף׃

  3. 2 דִּבְרֵי הַיָּמִים ח׳:א׳

    ¶ ויהי מקץ עשרים שנה אשר בנה שלמה את בית יהוה ואת ביתו׃

  4. נחמיה ב׳:ו׳

    ויאמר לי המלך והשגל יושבת אצלו עד מתי יהיה מהלכך ומתי תשוב וייטב לפני המלך וישלחני ואתנה לו זמן׃

  5. אֶסְתֵר ד׳:ט״ז

    לך כנוס את כל היהודים הנמצאים בשושן וצומו עלי ואל תאכלו ואל תשתו שלשת ימים לילה ויום גם אני ונערתי אצום כן ובכן אבוא אל המלך אשר לא כדת וכאשר אבדתי אבדתי׃

  6. אֶסְתֵר ה׳:א׳

    ¶ ויהי ביום השלישי ותלבש אסתר מלכות ותעמד בחצר בית המלך הפנימית נכח בית המלך והמלך יושב על כסא מלכותו בבית המלכות נכח פתח הבית׃

  7. אִיּוֹב א׳:ד׳

    והלכו בניו ועשו משתה בית איש יומו ושלחו וקראו לשלשת אחיתיהם לאכל ולשתות עמהם׃

  8. אִיּוֹב ג׳:ו׳

    הלילה ההוא יקחהו אפל אל יחד בימי שנה במספר ירחים אל יבא׃

  9. אִיּוֹב כ״ב:ט״ז

    אשר קמטו ולא עת נהר יוצק יסודם׃

  10. אִיּוֹב כ״ו:י׳

    חק חג על פני מים עד תכלית אור עם חשך׃

  11. תְהִלִּים כ״ז:ה׳

    כי יצפנני בסכה ביום רעה יסתרני בסתר אהלו בצור ירוממני׃

  12. תְהִלִּים ל״ז:י״ט

    לא יבשו בעת רעה ובימי רעבון ישבעו׃

  13. תְהִלִּים פ״ט:מ״ז

    זכר אני מה חלד על מה שוא בראת כל בני אדם׃

  14. קֹהֶלֶת ג׳:א׳

    ¶ לכל זמן ועת לכל חפץ תחת השמים׃

  15. קֹהֶלֶת ג׳:י״ז

    אמרתי אני בלבי את הצדיק ואת הרשע ישפט האלהים כי עת לכל חפץ ועל כל המעשה שם׃

  16. קֹהֶלֶת ט׳:י״ב

    כי גם לא ידע האדם את עתו כדגים שנאחזים במצודה רעה וכצפרים האחזות בפח כהם יוקשים בני האדם לעת רעה כשתפול עליהם פתאם׃

  17. יְשַׁעְיָהוּ ל״ו:א׳

    ¶ ויהי בארבע עשרה שנה למלך חזקיהו עלה סנחריב מלך אשור על כל ערי יהודה הבצרות ויתפשם׃

  18. יְשַׁעְיָהוּ ל״ח:ח׳

    הנני משיב את צל המעלות אשר ירדה במעלות אחז בשמש אחרנית עשר מעלות ותשב השמש עשר מעלות במעלות אשר ירדה׃

  19. יְשַׁעְיָהוּ מ״ה:כ״א

    הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי׃

  20. יְשַׁעְיָהוּ מ״ט:ח׳

    כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות׃

  21. יִרְמְיָהוּ א׳:ב׳

    אשר היה דבר יהוה אליו בימי יאשיהו בן אמון מלך יהודה בשלש עשרה שנה למלכו׃

  22. יִרְמְיָהוּ י״ד:ח׳

    מקוה ישראל מושיעו בעת צרה למה תהיה כגר בארץ וכארח נטה ללון׃

  23. יִרְמְיָהוּ י״ד:י״ט

    המאס מאסת את יהודה אם בציון געלה נפשך מדוע הכיתנו ואין לנו מרפא קוה לשלום ואין טוב ולעת מרפא והנה בעתה׃

  24. יִרְמְיָהוּ מ״ו:כ״א

    גם שכריה בקרבה כעגלי מרבק כי גם המה הפנו נסו יחדיו לא עמדו כי יום אידם בא עליהם עת פקדתם׃

  25. יִרְמְיָהוּ נ׳:כ״ז

    חרבו כל פריה ירדו לטבח הוי עליהם כי בא יומם עת פקדתם׃