פסוקים על Throne: Abdicated by David

9 פסוקים · 8 היבטים

פסוקים על Abdicated by David

  1. 1 מְלָכִים א׳:ל״ב

    ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך׃

  2. 1 מְלָכִים א׳:ל״ג

    ויאמר המלך להם קחו עמכם את עבדי אדניכם והרכבתם את שלמה בני על הפרדה אשר לי והורדתם אתו אל גחון׃

  3. 1 מְלָכִים א׳:ל״ד

    ומשח אתו שם צדוק הכהן ונתן הנביא למלך על ישראל ותקעתם בשופר ואמרתם יחי המלך שלמה׃

  4. 1 מְלָכִים א׳:ל״ה

    ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודה׃

  5. 1 מְלָכִים א׳:ל״ו

    ויען בניהו בן יהוידע את המלך ויאמר אמן כן יאמר יהוה אלהי אדני המלך׃

  6. 1 מְלָכִים א׳:ל״ז

    כאשר היה יהוה עם אדני המלך כן יהי עם שלמה ויגדל את כסאו מכסא אדני המלך דוד׃

  7. 1 מְלָכִים א׳:ל״ח

    וירד צדוק הכהן ונתן הנביא ובניהו בן יהוידע והכרתי והפלתי וירכבו את שלמה על פרדת המלך דוד וילכו אתו על גחון׃

  8. 1 מְלָכִים א׳:ל״ט

    ויקח צדוק הכהן את קרן השמן מן האהל וימשח את שלמה ויתקעו בשופר ויאמרו כל העם יחי המלך שלמה׃

  9. 1 מְלָכִים א׳:מ׳

    ויעלו כל העם אחריו והעם מחללים בחללים ושמחים שמחה גדולה ותבקע הארץ בקולם׃