פסוקים על The Covenant

את השבועה אשר נשבע לאברהם אבינו׃

להצילנו מיד איבינו ולתתנו לעבדו בלי פחד׃

בתמים ובצדקה לפניו כל ימי חיינו׃

ואתה הילד נביא עליון תקרא כי לפני יהוה תלך לפנות את דרכיו׃

לתת דעת הישועה לעמו בסליחת חטאתיהם׃

ברחמי חסד אלהינו אשר בהם פקדנו הנגה ממרום׃

להאיר לישבי חשך וצלמות ולהכין את רגלינו אל דרך השלום׃

כי כה אמר בהוכיח אתם הנה ימים באים נאם יהוה וכרתי את בית ישראל ואת בית יהודה ברית חדשה׃

לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בחלתי בם נאם יהוה׃

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם׃

כי אסלח לעונם ולחטאתם ולפשעיהם לא אזכר עוד׃

אבל המשיח בבאו להיות כהן גדול לטבות העתידות עבר בתוך המשכן המעלה בגדלה ושלמות אשר לא נעשה בידים כלומר אשר איננו בכלל הבריאה הזאת׃

גם לא בא בדם שעירים ועגלים אלא בדם נפשו בא בפעם אחת אל הקדש פנימה וימצא גאלת עולם׃

כי אם דם הפרים והשעירים ואפר הפרה אשר יזה על הטמאים יקדשם לטהרת גופם׃

אף כי דם המשיח אשר הקריב את עצמו לאלהים ברוח נצחי ובלי מום יטהר לבבכם ממעשי מות לעבד את אלהים חיים׃

כי במקום שיש דיתיקי צריך לדעת מות מקימה׃

כי רק במות המת תכון דיתיקי ואיננה בתקפה בעוד מקימה בחיים׃

לכן גם הראשונה לא חנכה בלא דם׃

כי ככלות משה להגיד לכל העם את כל המצות כתורה לקח דם העגלים והשעירים עם מים ותולעת שני ואזוב ויזרק על הספר ועל כל העם׃

ויאמר הנה דם הברית אשר צוה אלהים אליכם׃

וכן הזה מן הדם על המשכן ועל כל כלי השרת׃

וכמעט הכל יטהר בדם על פי התורה ואין כפרה בלי שפיכת דם׃

לכן דמיוני הדברים שבשמים צריכים להטהר באלה והדברים שבשמים בעצמם צריכים להטהר בזבחים טובים מאלה׃