פסוקים על Stones: Commandments engraved upon

14 פסוקים · 16 היבטים

פסוקים על Commandments engraved upon

  1. שְׁמֹות כ״ד:י״ב

    ויאמר יהוה אל משה עלה אלי ההרה והיה שם ואתנה לך את לחת האבן והתורה והמצוה אשר כתבתי להורתם׃

  2. שְׁמֹות ל״א:י״ח

    ויתן אל משה ככלתו לדבר אתו בהר סיני שני לחת העדת לחת אבן כתבים באצבע אלהים׃

  3. שְׁמֹות ל״ד:א׳

    ¶ ויאמר יהוה אל משה פסל לך שני לחת אבנים כראשנים וכתבתי על הלחת את הדברים אשר היו על הלחת הראשנים אשר שברת׃

  4. שְׁמֹות ל״ד:ב׳

    והיה נכון לבקר ועלית בבקר אל הר סיני ונצבת לי שם על ראש ההר׃

  5. שְׁמֹות ל״ד:ג׳

    ואיש לא יעלה עמך וגם איש אל ירא בכל ההר גם הצאן והבקר אל ירעו אל מול ההר ההוא׃

  6. שְׁמֹות ל״ד:ד׳

    ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים׃

  7. דְּבָרִים ד׳:י״ג

    ויגד לכם את בריתו אשר צוה אתכם לעשות עשרת הדברים ויכתבם על שני לחות אבנים׃

  8. דְּבָרִים ה׳:כ״ב

    את הדברים האלה דבר יהוה אל כל קהלכם בהר מתוך האש הענן והערפל קול גדול ולא יסף ויכתבם על שני לחת אבנים ויתנם אלי׃

  9. דְּבָרִים ט׳:ט׳

    בעלתי ההרה לקחת לוחת האבנים לוחת הברית אשר כרת יהוה עמכם ואשב בהר ארבעים יום וארבעים לילה לחם לא אכלתי ומים לא שתיתי׃

  10. דְּבָרִים ט׳:י׳

    ויתן יהוה אלי את שני לוחת האבנים כתבים באצבע אלהים ועליהם ככל הדברים אשר דבר יהוה עמכם בהר מתוך האש ביום הקהל׃

  11. דְּבָרִים ט׳:י״א

    ויהי מקץ ארבעים יום וארבעים לילה נתן יהוה אלי את שני לחת האבנים לחות הברית׃

  12. דְּבָרִים י׳:א׳

    ¶ בעת ההוא אמר יהוה אלי פסל לך שני לוחת אבנים כראשנים ועלה אלי ההרה ועשית לך ארון עץ׃

  13. דְּבָרִים י׳:ב׳

    ואכתב על הלחת את הדברים אשר היו על הלחת הראשנים אשר שברת ושמתם בארון׃

  14. דְּבָרִים י׳:ג׳

    ואעש ארון עצי שטים ואפסל שני לחת אבנים כראשנים ואעל ההרה ושני הלחת בידי׃