פסוקים על Satan

ויגש אליו המנסה ויאמר אם בן האלהים אתה אמר לאבנים האלה ותהיין ללחם׃

ויען ויאמר הן כתוב לא על הלחם לבדו יחיה האדם כי על כל מוצא פי יי׃

וישאהו השטן אל עיר הקדש ויעמידהו על פנת בית המקדש׃

ויאמר אליו אם בן האלהים אתה התנפל למטה כי כתוב כי מלאכיו יצוה לך ועל כפים ישאונך פן תגף באבן רגלך׃

ויאמר אליו ישוע ועוד כתוב לא תנסה את יהוה אלהיך׃

ויוסף השטן וישאהו אל הר גבה מאד ויראהו את כל ממלכות תבל וכבודן׃

ויאמר אליו את כל זאת לך אתננה אם תקד ותשתחוה לי׃

ויאמר אליו ישוע סור ממני השטן כי כתוב ליהוה אלהיך תשתחוה ואותו לבדו תעבד׃

וירף ממנו השטן והנה נגשו אליו מלאכים וישרתוהו׃

והפרושים אמרו על ידי שר השדים מגרש הוא את השדים׃

או איך יוכל איש לבוא לבית הגבור ולגזל את כליו אם לא יאסר בראשונה את הגבור ואחר ישסה את ביתו׃

כל איש שמע את דבר המלכות ולא יבינהו ובא הרע וחטף את הזרוע בלבבו הוא הנזרע על יד הדרך׃

הניחו אתם ויגדלו שניהם יחד עד הקציר והיה בעת הקציר אמר לקוצרים לקטו בראשונה את הזונין ואגדו אתם אגדות לשרפם ואת החטים אספו לאוצרי׃

והשדה הוא העולם והזרע הטוב בני המלכות הם והזונין בני הרע המה׃

והאיב אשר זרעם הוא השטן והקציר הוא קץ העולם והקצרים הם המלאכים׃

ואז יאמר גם אל הנצבים לשמאלו לכו מעלי אתם הארורים אל אש עולם המוכנה לשטן ולמלאכיו׃

ויהי שם במדבר ארבעים יום והשטן נסהו ויהי עם החיות והמלאכים שרתוהו׃

והסופרים אשר ירדו מירושלים אמרו כי בעל זבוב נכנס בו ועל ידי שר השדים הוא מגרש את השדים׃

ויקרא אותם אליו וידבר להם במשלים לאמר איך יוכל השטן לגרש השטן׃

ואם נחלקה ממלכה על עצמה לא תוכל לעמד הממלכה ההיא׃

ובית אם נחלק על עצמו לא יוכל לעמד הבית ההוא׃

ואם השטן יתקומם אל עצמו ונחלק לא יוכל לעמד כי בא קצו׃

ואלה הם הנזרעים על יד הדרך אשר יזרע בם הדבר וכשמעם אותו מיד בא השטן וישא את הדבר הזרוע בלבבם׃

¶ וישוע שב מן הירדן מלא רוח הקדש וינהגהו הרוח המדברה׃

וינסהו השטן ארבעים יום ולא אכל מאומה בימים ההם ואחרי אשר תמו וירעב׃