פסוקים על Sabbatic Year

45 פסוקים · 6 היבטים

פסוקי מפתח

סינון לפי ספר
  1. דְּבָרִים ט״ו:ט״ז

    והיה כי יאמר אליך לא אצא מעמך כי אהבך ואת ביתך כי טוב לו עמך׃

  2. דְּבָרִים ט״ו:י״ז

    ולקחת את המרצע ונתתה באזנו ובדלת והיה לך עבד עולם ואף לאמתך תעשה כן׃

  3. דְּבָרִים ט״ו:י״ח

    לא יקשה בעינך בשלחך אתו חפשי מעמך כי משנה שכר שכיר עבדך שש שנים וברכך יהוה אלהיך בכל אשר תעשה׃

  4. דְּבָרִים ל״א:י׳

    ויצו משה אותם לאמר מקץ שבע שנים במעד שנת השמטה בחג הסכות׃

  5. דְּבָרִים ל״א:י״א

    בבוא כל ישראל לראות את פני יהוה אלהיך במקום אשר יבחר תקרא את התורה הזאת נגד כל ישראל באזניהם׃

  6. דְּבָרִים ל״א:י״ב

    הקהל את העם האנשים והנשים והטף וגרך אשר בשעריך למען ישמעו ולמען ילמדו ויראו את יהוה אלהיכם ושמרו לעשות את כל דברי התורה הזאת׃

  7. דְּבָרִים ל״א:י״ג

    ובניהם אשר לא ידעו ישמעו ולמדו ליראה את יהוה אלהיכם כל הימים אשר אתם חיים על האדמה אשר אתם עברים את הירדן שמה לרשתה׃

  8. נחמיה ח׳:י״ח

    ויקרא בספר תורת האלהים יום ביום מן היום הראשון עד היום האחרון ויעשו חג שבעת ימים וביום השמיני עצרת כמשפט׃

  9. נחמיה י׳:ל״א

    ועמי הארץ המביאים את המקחות וכל שבר ביום השבת למכור לא נקח מהם בשבת וביום קדש ונטש את השנה השביעית ומשא כל יד׃

  10. יִרְמְיָהוּ ל״ד:י״ב

    ויהי דבר יהוה אל ירמיהו מאת יהוה לאמר׃

  11. יִרְמְיָהוּ ל״ד:י״ג

    כה אמר יהוה אלהי ישראל אנכי כרתי ברית את אבותיכם ביום הוצאי אותם מארץ מצרים מבית עבדים לאמר׃

  12. יִרְמְיָהוּ ל״ד:י״ד

    מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃

  13. יִרְמְיָהוּ ל״ד:ט״ו

    ותשבו אתם היום ותעשו את הישר בעיני לקרא דרור איש לרעהו ותכרתו ברית לפני בבית אשר נקרא שמי עליו׃

  14. יִרְמְיָהוּ ל״ד:ט״ז

    ותשבו ותחללו את שמי ותשבו איש את עבדו ואיש את שפחתו אשר שלחתם חפשים לנפשם ותכבשו אתם להיות לכם לעבדים ולשפחות׃

  15. יִרְמְיָהוּ ל״ד:י״ז

    לכן כה אמר יהוה אתם לא שמעתם אלי לקרא דרור איש לאחיו ואיש לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה לכל ממלכות הארץ׃

  16. יִרְמְיָהוּ ל״ד:י״ח

    ונתתי את האנשים העברים את ברתי אשר לא הקימו את דברי הברית אשר כרתו לפני העגל אשר כרתו לשנים ויעברו בין בתריו׃

  17. יִרְמְיָהוּ ל״ד:י״ט

    שרי יהודה ושרי ירושלם הסרסים והכהנים וכל עם הארץ העברים בין בתרי העגל׃

  18. יִרְמְיָהוּ ל״ד:כ׳

    ונתתי אותם ביד איביהם וביד מבקשי נפשם והיתה נבלתם למאכל לעוף השמים ולבהמת הארץ׃

  19. יִרְמְיָהוּ ל״ד:כ״א

    ואת צדקיהו מלך יהודה ואת שריו אתן ביד איביהם וביד מבקשי נפשם וביד חיל מלך בבל העלים מעליכם׃

  20. יִרְמְיָהוּ ל״ד:כ״ב

    הנני מצוה נאם יהוה והשבתים אל העיר הזאת ונלחמו עליה ולכדוה ושרפה באש ואת ערי יהודה אתן שממה מאין ישב׃