פסוקים על Purification

100 פסוקים · 13 היבטים

פסוקי מפתח

סינון לפי ספר
  1. וַיִּקְרָא י״ד:ח׳

    וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים׃

  2. וַיִּקְרָא י״ד:ט׳

    והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים וטהר׃

  3. וַיִּקְרָא ט״ו:ד׳

    כל המשכב אשר ישכב עליו הזב יטמא וכל הכלי אשר ישב עליו יטמא׃

  4. וַיִּקְרָא ט״ו:ה׳

    ואיש אשר יגע במשכבו יכבס בגדיו ורחץ במים וטמא עד הערב׃

  5. וַיִּקְרָא ט״ו:ו׳

    והישב על הכלי אשר ישב עליו הזב יכבס בגדיו ורחץ במים וטמא עד הערב׃

  6. וַיִּקְרָא ט״ו:ז׳

    והנגע בבשר הזב יכבס בגדיו ורחץ במים וטמא עד הערב׃

  7. וַיִּקְרָא ט״ו:ח׳

    וכי ירק הזב בטהור וכבס בגדיו ורחץ במים וטמא עד הערב׃

  8. וַיִּקְרָא ט״ו:ט׳

    וכל המרכב אשר ירכב עליו הזב יטמא׃

  9. וַיִּקְרָא ט״ו:י׳

    וכל הנגע בכל אשר יהיה תחתיו יטמא עד הערב והנושא אותם יכבס בגדיו ורחץ במים וטמא עד הערב׃

  10. וַיִּקְרָא ט״ו:י״א

    וכל אשר יגע בו הזב וידיו לא שטף במים וכבס בגדיו ורחץ במים וטמא עד הערב׃

  11. וַיִּקְרָא ט״ו:י״ב

    וכלי חרש אשר יגע בו הזב ישבר וכל כלי עץ ישטף במים׃

  12. וַיִּקְרָא ט״ו:י״ג

    וכי יטהר הזב מזובו וספר לו שבעת ימים לטהרתו וכבס בגדיו ורחץ בשרו במים חיים וטהר׃

  13. וַיִּקְרָא ט״ו:ט״ז

    ואיש כי תצא ממנו שכבת זרע ורחץ במים את כל בשרו וטמא עד הערב׃

  14. וַיִּקְרָא ט״ו:י״ז

    וכל בגד וכל עור אשר יהיה עליו שכבת זרע וכבס במים וטמא עד הערב׃

  15. וַיִּקְרָא ט״ו:י״ח

    ואשה אשר ישכב איש אתה שכבת זרע ורחצו במים וטמאו עד הערב׃

  16. וַיִּקְרָא ט״ו:י״ט

    ואשה כי תהיה זבה דם יהיה זבה בבשרה שבעת ימים תהיה בנדתה וכל הנגע בה יטמא עד הערב׃

  17. וַיִּקְרָא ט״ו:כ׳

    וכל אשר תשכב עליו בנדתה יטמא וכל אשר תשב עליו יטמא׃

  18. וַיִּקְרָא ט״ו:כ״א

    וכל הנגע במשכבה יכבס בגדיו ורחץ במים וטמא עד הערב׃

  19. וַיִּקְרָא ט״ו:כ״ב

    וכל הנגע בכל כלי אשר תשב עליו יכבס בגדיו ורחץ במים וטמא עד הערב׃

  20. וַיִּקְרָא ט״ו:כ״ג

    ואם על המשכב הוא או על הכלי אשר הוא ישבת עליו בנגעו בו יטמא עד הערב׃

  21. וַיִּקְרָא ט״ו:כ״ד

    ואם שכב ישכב איש אתה ותהי נדתה עליו וטמא שבעת ימים וכל המשכב אשר ישכב עליו יטמא׃

  22. וַיִּקְרָא ט״ו:כ״ה

    ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא׃

  23. וַיִּקְרָא ט״ו:כ״ו

    כל המשכב אשר תשכב עליו כל ימי זובה כמשכב נדתה יהיה לה וכל הכלי אשר תשב עליו טמא יהיה כטמאת נדתה׃

  24. וַיִּקְרָא ט״ו:כ״ז

    וכל הנוגע בם יטמא וכבס בגדיו ורחץ במים וטמא עד הערב׃

  25. וַיִּקְרָא ט״ז:ד׳

    כתנת בד קדש ילבש ומכנסי בד יהיו על בשרו ובאבנט בד יחגר ובמצנפת בד יצנף בגדי קדש הם ורחץ במים את בשרו ולבשם׃