פסוקים על Presumption

96 פסוקים · 26 היבטים

פסוקי מפתח

סינון לפי ספר
  1. אִיּוֹב ט״ו:כ״ו

    ירוץ אליו בצואר בעבי גבי מגניו׃

  2. תְהִלִּים י״ט:י״ג

    גם מזדים חשך עבדך אל ימשלו בי אז איתם ונקיתי מפשע רב׃

  3. תְהִלִּים קל״א:א׳

    ¶ שיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃

  4. מִשְׁלֵי י״ב:ט״ו

    דרך אויל ישר בעיניו ושמע לעצה חכם׃

  5. מִשְׁלֵי י״ח:י״ב

    לפני שבר יגבה לב איש ולפני כבוד ענוה׃

  6. מִשְׁלֵי י״ח:י״ג

    משיב דבר בטרם ישמע אולת היא לו וכלמה׃

  7. מִשְׁלֵי כ״ה:ו׳

    אל תתהדר לפני מלך ובמקום גדלים אל תעמד׃

  8. מִשְׁלֵי כ״ה:ז׳

    כי טוב אמר לך עלה הנה מהשפילך לפני נדיב אשר ראו עיניך׃

  9. יְשַׁעְיָהוּ ה׳:י״ח

    הוי משכי העון בחבלי השוא וכעבות העגלה חטאה׃

  10. יְשַׁעְיָהוּ ה׳:י״ט

    האמרים ימהר יחישה מעשהו למען נראה ותקרב ותבואה עצת קדוש ישראל ונדעה׃

  11. יְשַׁעְיָהוּ ה׳:כ׳

    הוי האמרים לרע טוב ולטוב רע שמים חשך לאור ואור לחשך שמים מר למתוק ומתוק למר׃

  12. יְשַׁעְיָהוּ ה׳:כ״א

    הוי חכמים בעיניהם ונגד פניהם נבנים׃

  13. יְשַׁעְיָהוּ ה׳:כ״ב

    הוי גבורים לשתות יין ואנשי חיל למסך שכר׃

  14. יְשַׁעְיָהוּ ה׳:כ״ג

    מצדיקי רשע עקב שחד וצדקת צדיקים יסירו ממנו׃

  15. יְשַׁעְיָהוּ ה׳:כ״ד

    לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו׃

  16. יְשַׁעְיָהוּ ה׳:כ״ה

    על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שב אפו ועוד ידו נטויה׃

  17. יְשַׁעְיָהוּ י׳:ט״ו

    היתפאר הגרזן על החצב בו אם יתגדל המשור על מניפו כהניף שבט את מרימיו כהרים מטה לא עץ׃

  18. יְשַׁעְיָהוּ י״ד:י״ג

    ואתה אמרת בלבבך השמים אעלה ממעל לכוכבי אל ארים כסאי ואשב בהר מועד בירכתי צפון׃

  19. יְשַׁעְיָהוּ י״ד:י״ד

    אעלה על במתי עב אדמה לעליון׃

  20. יְשַׁעְיָהוּ כ״ח:י״ד

    לכן שמעו דבר יהוה אנשי לצון משלי העם הזה אשר בירושלם׃

  21. יְשַׁעְיָהוּ כ״ח:ט״ו

    כי אמרתם כרתנו ברית את מות ועם שאול עשינו חזה שיט שוטף כי עבר לא יבואנו כי שמנו כזב מחסנו ובשקר נסתרנו׃

  22. יְשַׁעְיָהוּ כ״ח:ט״ז

    לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃

  23. יְשַׁעְיָהוּ כ״ח:י״ז

    ושמתי משפט לקו וצדקה למשקלת ויעה ברד מחסה כזב וסתר מים ישטפו׃

  24. יְשַׁעְיָהוּ כ״ח:י״ח

    וכפר בריתכם את מות וחזותכם את שאול לא תקום שוט שוטף כי יעבר והייתם לו למרמס׃

  25. יְשַׁעְיָהוּ כ״ח:כ״ב

    ועתה אל תתלוצצו פן יחזקו מוסריכם כי כלה ונחרצה שמעתי מאת אדני יהוה צבאות על כל הארץ׃