פסוקים על Prayer

720 פסוקים · 120 היבטים

פסוקי מפתח

סינון לפי ספר
  1. 1 מְלָכִים י״ח:ל׳

    ויאמר אליהו לכל העם גשו אלי ויגשו כל העם אליו וירפא את מזבח יהוה ההרוס׃

  2. 1 מְלָכִים י״ח:ל״א

    ויקח אליהו שתים עשרה אבנים כמספר שבטי בני יעקב אשר היה דבר יהוה אליו לאמר ישראל יהיה שמך׃

  3. 1 מְלָכִים י״ח:ל״ב

    ויבנה את האבנים מזבח בשם יהוה ויעש תעלה כבית סאתים זרע סביב למזבח׃

  4. 1 מְלָכִים י״ח:ל״ג

    ויערך את העצים וינתח את הפר וישם על העצים׃

  5. 1 מְלָכִים י״ח:ל״ד

    ויאמר מלאו ארבעה כדים מים ויצקו על העלה ועל העצים ויאמר שנו וישנו ויאמר שלשו וישלשו׃

  6. 1 מְלָכִים י״ח:ל״ה

    וילכו המים סביב למזבח וגם את התעלה מלא מים׃

  7. 1 מְלָכִים י״ח:ל״ו

    ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

  8. 1 מְלָכִים י״ח:ל״ז

    ענני יהוה ענני וידעו העם הזה כי אתה יהוה האלהים ואתה הסבת את לבם אחרנית׃

  9. 1 מְלָכִים י״ח:ל״ח

    ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכה׃

  10. 1 מְלָכִים י״ח:ל״ט

    וירא כל העם ויפלו על פניהם ויאמרו יהוה הוא האלהים יהוה הוא האלהים׃

  11. 2 מְלָכִים י״ט:ט״ו

    ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃

  12. 2 מְלָכִים י״ט:ט״ז

    הטה יהוה אזנך ושמע פקח יהוה עיניך וראה ושמע את דברי סנחריב אשר שלחו לחרף אלהים חי׃

  13. 2 מְלָכִים י״ט:י״ז

    אמנם יהוה החריבו מלכי אשור את הגוים ואת ארצם׃

  14. 2 מְלָכִים י״ט:י״ח

    ונתנו את אלהיהם באש כי לא אלהים המה כי אם מעשה ידי אדם עץ ואבן ויאבדום׃

  15. 2 מְלָכִים י״ט:י״ט

    ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך׃

  16. 2 מְלָכִים כ׳:ב׳

    ויסב את פניו אל הקיר ויתפלל אל יהוה לאמר׃

  17. 1 דִּבְרֵי הַיָּמִים ט״ז:י״א

    דרשו יהוה ועזו בקשו פניו תמיד׃

  18. 1 דִּבְרֵי הַיָּמִים ט״ז:ל״ה

    ואמרו הושיענו אלהי ישענו וקבצנו והצילנו מן הגוים להדות לשם קדשך להשתבח בתהלתך׃

  19. 1 דִּבְרֵי הַיָּמִים כ״א:ט״ז

    וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃

  20. 1 דִּבְרֵי הַיָּמִים כ״ח:ט׳

    ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

  21. 2 דִּבְרֵי הַיָּמִים ו׳:י״ג

    כי עשה שלמה כיור נחשת ויתנהו בתוך העזרה חמש אמות ארכו וחמש אמות רחבו ואמות שלוש קומתו ויעמד עליו ויברך על ברכיו נגד כל קהל ישראל ויפרש כפיו השמימה׃

  22. 2 דִּבְרֵי הַיָּמִים ז׳:י״ג

    הן אעצר השמים ולא יהיה מטר והן אצוה על חגב לאכול הארץ ואם אשלח דבר בעמי׃

  23. 2 דִּבְרֵי הַיָּמִים ז׳:י״ד

    ויכנעו עמי אשר נקרא שמי עליהם ויתפללו ויבקשו פני וישבו מדרכיהם הרעים ואני אשמע מן השמים ואסלח לחטאתם וארפא את ארצם׃

  24. 2 דִּבְרֵי הַיָּמִים ז׳:ט״ו

    עתה עיני יהיו פתחות ואזני קשבות לתפלת המקום הזה׃

  25. 2 דִּבְרֵי הַיָּמִים י״ד:י״א

    ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשענו ובשמך באנו על ההמון הזה יהוה אלהינו אתה אל יעצר עמך אנוש׃