פסוקים על Panic

19 פסוקים · 2 היבטים

פסוקי מפתח

בְּרֵאשִׁית ל״ה:ה׳
ויסעו ויהי חתת אלהים על הערים אשר סביבתיהם ולא רדפו אחרי בני יעקב׃
שְׁמֹות ט״ו:י״ד
שמעו עמים ירגזון חיל אחז ישבי פלשת׃
שְׁמֹות ט״ו:ט״ו
אז נבהלו אלופי אדום אילי מואב יאחזמו רעד נמגו כל ישבי כנען׃
שְׁמֹות ט״ו:ט״ז
תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃
וַיִּקְרָא כ״ו:י״ז
ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם׃
דְּבָרִים ל״ב:ל׳
איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃
יְהוֹשֻעַ כ״ג:י׳
איש אחד מכם ירדף אלף כי יהוה אלהיכם הוא הנלחם לכם כאשר דבר לכם׃
שֹׁפְטִים ז׳:כ״ב
ויתקעו שלש מאות השופרות וישם יהוה את חרב איש ברעהו ובכל המחנה וינס המחנה עד בית השטה צררתה עד שפת אבל מחולה על טבת׃
1 שְׁמוּאֵל י״ד:ט״ו
ותהי חרדה במחנה בשדה ובכל העם המצב והמשחית חרדו גם המה ותרגז הארץ ותהי לחרדת אלהים׃
1 שְׁמוּאֵל י״ד:ט״ז
ויראו הצפים לשאול בגבעת בנימן והנה ההמון נמוג וילך והלם׃
1 שְׁמוּאֵל י״ד:י״ז
ויאמר שאול לעם אשר אתו פקדו נא וראו מי הלך מעמנו ויפקדו והנה אין יונתן ונשא כליו׃
1 שְׁמוּאֵל י״ד:י״ח
ויאמר שאול לאחיה הגישה ארון האלהים כי היה ארון האלהים ביום ההוא ובני ישראל׃
1 שְׁמוּאֵל י״ד:י״ט
ויהי עד דבר שאול אל הכהן וההמון אשר במחנה פלשתים וילך הלוך ורב ויאמר שאול אל הכהן אסף ידך׃
1 שְׁמוּאֵל י״ד:כ׳
ויזעק שאול וכל העם אשר אתו ויבאו עד המלחמה והנה היתה חרב איש ברעהו מהומה גדולה מאד׃
2 מְלָכִים ז׳:ו׳
ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו׃
2 מְלָכִים ז׳:ז׳
ויקומו וינוסו בנשף ויעזבו את אהליהם ואת סוסיהם ואת חמריהם המחנה כאשר היא וינסו אל נפשם׃
2 דִּבְרֵי הַיָּמִים כ׳:כ״ב
ובעת החלו ברנה ותהלה נתן יהוה מארבים על בני עמון מואב והר שעיר הבאים ליהודה וינגפו׃
2 דִּבְרֵי הַיָּמִים כ׳:כ״ג
ויעמדו בני עמון ומואב על ישבי הר שעיר להחרים ולהשמיד וככלותם ביושבי שעיר עזרו איש ברעהו למשחית׃
תְהִלִּים ל״ה:ה׳
יהיו כמץ לפני רוח ומלאך יהוה דוחה׃