פסוקים על Jehoiakim

26 פסוקים · 4 היבטים

פסוקי מפתח

2 מְלָכִים כ״ג:ל״ד
וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם׃
2 מְלָכִים כ״ג:ל״ה
והכסף והזהב נתן יהויקים לפרעה אך העריך את הארץ לתת את הכסף על פי פרעה איש כערכו נגש את הכסף ואת הזהב את עם הארץ לתת לפרעה נכה׃
2 מְלָכִים כ״ג:ל״ו
בן עשרים וחמש שנה יהויקים במלכו ואחת עשרה שנה מלך בירושלם ושם אמו זבידה בת פדיה מן רומה׃
2 מְלָכִים כ״ג:ל״ז
ויעש הרע בעיני יהוה ככל אשר עשו אבתיו׃
2 מְלָכִים כ״ד:א׳
¶ בימיו עלה נבכדנאצר מלך בבל ויהי לו יהויקים עבד שלש שנים וישב וימרד בו׃
2 מְלָכִים כ״ד:ב׳
וישלח יהוה בו את גדודי כשדים ואת גדודי ארם ואת גדודי מואב ואת גדודי בני עמון וישלחם ביהודה להאבידו כדבר יהוה אשר דבר ביד עבדיו הנביאים׃
2 מְלָכִים כ״ד:ג׳
אך על פי יהוה היתה ביהודה להסיר מעל פניו בחטאת מנשה ככל אשר עשה׃
2 מְלָכִים כ״ד:ד׳
וגם דם הנקי אשר שפך וימלא את ירושלם דם נקי ולא אבה יהוה לסלח׃
2 מְלָכִים כ״ד:ה׳
ויתר דברי יהויקים וכל אשר עשה הלא הם כתובים על ספר דברי הימים למלכי יהודה׃
2 מְלָכִים כ״ד:ו׳
וישכב יהויקים עם אבתיו וימלך יהויכין בנו תחתיו׃
2 דִּבְרֵי הַיָּמִים ל״ו:ד׳
וימלך מלך מצרים את אליקים אחיו על יהודה וירושלם ויסב את שמו יהויקים ואת יואחז אחיו לקח נכו ויביאהו מצרימה׃
2 דִּבְרֵי הַיָּמִים ל״ו:ה׳
בן עשרים וחמש שנה יהויקים במלכו ואחת עשרה שנה מלך בירושלם ויעש הרע בעיני יהוה אלהיו׃
2 דִּבְרֵי הַיָּמִים ל״ו:ו׳
עליו עלה נבוכדנאצר מלך בבל ויאסרהו בנחשתים להליכו בבלה׃
2 דִּבְרֵי הַיָּמִים ל״ו:ז׳
ומכלי בית יהוה הביא נבוכדנאצר לבבל ויתנם בהיכלו בבבל׃
2 דִּבְרֵי הַיָּמִים ל״ו:ח׳
ויתר דברי יהויקים ותעבתיו אשר עשה והנמצא עליו הנם כתובים על ספר מלכי ישראל ויהודה וימלך יהויכין בנו תחתיו׃
יִרְמְיָהוּ כ״ב:י״ג
הוי בנה ביתו בלא צדק ועליותיו בלא משפט ברעהו יעבד חנם ופעלו לא יתן לו׃
יִרְמְיָהוּ כ״ב:י״ד
האמר אבנה לי בית מדות ועליות מרוחים וקרע לו חלוני וספון בארז ומשוח בששר׃
יִרְמְיָהוּ כ״ב:ט״ו
התמלך כי אתה מתחרה בארז אביך הלוא אכל ושתה ועשה משפט וצדקה אז טוב לו׃
יִרְמְיָהוּ כ״ב:ט״ז
דן דין עני ואביון אז טוב הלוא היא הדעת אתי נאם יהוה׃
יִרְמְיָהוּ כ״ב:י״ז
כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשות׃
יִרְמְיָהוּ כ״ב:י״ח
לכן כה אמר יהוה אל יהויקים בן יאשיהו מלך יהודה לא יספדו לו הוי אחי והוי אחות לא יספדו לו הוי אדון והוי הדה׃
יִרְמְיָהוּ כ״ב:י״ט
קבורת חמור יקבר סחוב והשלך מהלאה לשערי ירושלם׃
יִרְמְיָהוּ כ״ו:כ״ב
וישלח המלך יהויקים אנשים מצרים את אלנתן בן עכבור ואנשים אתו אל מצרים׃
יִרְמְיָהוּ כ״ו:כ״ג
ויוציאו את אוריהו ממצרים ויבאהו אל המלך יהויקים ויכהו בחרב וישלך את נבלתו אל קברי בני העם׃
דָּנִיֵּאל א׳:א׳
¶ בשנת שלוש למלכות יהויקים מלך יהודה בא נבוכדנאצר מלך בבל ירושלם ויצר עליה׃

מציג 1–25 מתוך 26 פסוקים

1 2 הבא