פסוקים על Jabesh-Gilead

27 פסוקים · 4 היבטים

פסוקי מפתח

סינון לפי ספר
  1. שֹׁפְטִים כ״א:ח׳

    ויאמרו מי אחד משבטי ישראל אשר לא עלה אל יהוה המצפה והנה לא בא איש אל המחנה מיביש גלעד אל הקהל׃

  2. שֹׁפְטִים כ״א:ט׳

    ויתפקד העם והנה אין שם איש מיושבי יבש גלעד׃

  3. שֹׁפְטִים כ״א:י׳

    וישלחו שם העדה שנים עשר אלף איש מבני החיל ויצוו אותם לאמר לכו והכיתם את יושבי יבש גלעד לפי חרב והנשים והטף׃

  4. שֹׁפְטִים כ״א:י״א

    וזה הדבר אשר תעשו כל זכר וכל אשה ידעת משכב זכר תחרימו׃

  5. שֹׁפְטִים כ״א:י״ב

    וימצאו מיושבי יביש גלעד ארבע מאות נערה בתולה אשר לא ידעה איש למשכב זכר ויביאו אותם אל המחנה שלה אשר בארץ כנען׃

  6. שֹׁפְטִים כ״א:י״ג

    וישלחו כל העדה וידברו אל בני בנימן אשר בסלע רמון ויקראו להם שלום׃

  7. שֹׁפְטִים כ״א:י״ד

    וישב בנימן בעת ההיא ויתנו להם הנשים אשר חיו מנשי יבש גלעד ולא מצאו להם כן׃

  8. שֹׁפְטִים כ״א:ט״ו

    והעם נחם לבנימן כי עשה יהוה פרץ בשבטי ישראל׃

  9. 1 שְׁמוּאֵל י״א:א׳

    ¶ ויעל נחש העמוני ויחן על יבש גלעד ויאמרו כל אנשי יביש אל נחש כרת לנו ברית ונעבדך׃

  10. 1 שְׁמוּאֵל י״א:ב׳

    ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראל׃

  11. 1 שְׁמוּאֵל י״א:ג׳

    ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך׃

  12. 1 שְׁמוּאֵל י״א:ד׳

    ויבאו המלאכים גבעת שאול וידברו הדברים באזני העם וישאו כל העם את קולם ויבכו׃

  13. 1 שְׁמוּאֵל י״א:ה׳

    והנה שאול בא אחרי הבקר מן השדה ויאמר שאול מה לעם כי יבכו ויספרו לו את דברי אנשי יביש׃

  14. 1 שְׁמוּאֵל י״א:ו׳

    ותצלח רוח אלהים על שאול בשמעו את הדברים האלה ויחר אפו מאד׃

  15. 1 שְׁמוּאֵל י״א:ז׳

    ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד׃

  16. 1 שְׁמוּאֵל י״א:ח׳

    ויפקדם בבזק ויהיו בני ישראל שלש מאות אלף ואיש יהודה שלשים אלף׃

  17. 1 שְׁמוּאֵל י״א:ט׳

    ויאמרו למלאכים הבאים כה תאמרון לאיש יביש גלעד מחר תהיה לכם תשועה בחם השמש ויבאו המלאכים ויגידו לאנשי יביש וישמחו׃

  18. 1 שְׁמוּאֵל י״א:י׳

    ויאמרו אנשי יביש מחר נצא אליכם ועשיתם לנו ככל הטוב בעיניכם׃

  19. 1 שְׁמוּאֵל י״א:י״א

    ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד׃

  20. 1 שְׁמוּאֵל ל״א:י״א

    וישמעו אליו ישבי יביש גלעד את אשר עשו פלשתים לשאול׃

  21. 1 שְׁמוּאֵל ל״א:י״ב

    ויקומו כל איש חיל וילכו כל הלילה ויקחו את גוית שאול ואת גוית בניו מחומת בית שן ויבאו יבשה וישרפו אתם שם׃

  22. 1 שְׁמוּאֵל ל״א:י״ג

    ויקחו את עצמתיהם ויקברו תחת האשל ביבשה ויצמו שבעת ימים׃

  23. 2 שְׁמוּאֵל כ״א:י״ב

    וילך דוד ויקח את עצמות שאול ואת עצמות יהונתן בנו מאת בעלי יביש גלעד אשר גנבו אתם מרחב בית שן אשר תלום שם הפלשתים ביום הכות פלשתים את שאול בגלבע׃

  24. 2 שְׁמוּאֵל כ״א:י״ג

    ויעל משם את עצמות שאול ואת עצמות יהונתן בנו ויאספו את עצמות המוקעים׃

  25. 2 שְׁמוּאֵל כ״א:י״ד

    ויקברו את עצמות שאול ויהונתן בנו בארץ בנימן בצלע בקבר קיש אביו ויעשו כל אשר צוה המלך ויעתר אלהים לארץ אחרי כן׃