פסוקים על Famine: Described

38 פסוקים · 51 היבטים

פסוקים על Described

סינון לפי ספר
  1. דְּבָרִים כ״ח:נ״ג

    ואכלת פרי בטנך בשר בניך ובנתיך אשר נתן לך יהוה אלהיך במצור ובמצוק אשר יציק לך איבך׃

  2. דְּבָרִים כ״ח:נ״ד

    האיש הרך בך והענג מאד תרע עינו באחיו ובאשת חיקו וביתר בניו אשר יותיר׃

  3. דְּבָרִים כ״ח:נ״ה

    מתת לאחד מהם מבשר בניו אשר יאכל מבלי השאיר לו כל במצור ובמצוק אשר יציק לך איבך בכל שעריך׃

  4. דְּבָרִים כ״ח:נ״ו

    הרכה בך והענגה אשר לא נסתה כף רגלה הצג על הארץ מהתענג ומרך תרע עינה באיש חיקה ובבנה ובבתה׃

  5. דְּבָרִים כ״ח:נ״ז

    ובשליתה היוצת מבין רגליה ובבניה אשר תלד כי תאכלם בחסר כל בסתר במצור ובמצוק אשר יציק לך איבך בשעריך׃

  6. יְשַׁעְיָהוּ ט׳:י״ח

    כי בערה כאש רשעה שמיר ושית תאכל ותצת בסבכי היער ויתאבכו גאות עשן׃

  7. יְשַׁעְיָהוּ ט׳:י״ט

    בעברת יהוה צבאות נעתם ארץ ויהי העם כמאכלת אש איש אל אחיו לא יחמלו׃

  8. יְשַׁעְיָהוּ ט׳:כ׳

    ויגזר על ימין ורעב ויאכל על שמאול ולא שבעו איש בשר זרעו יאכלו׃

  9. יְשַׁעְיָהוּ ט׳:כ״א

    מנשה את אפרים ואפרים את מנשה יחדו המה על יהודה בכל זאת לא שב אפו ועוד ידו נטויה׃

  10. יִרְמְיָהוּ י״ד:א׳

    ¶ אשר היה דבר יהוה אל ירמיהו על דברי הבצרות׃

  11. יִרְמְיָהוּ י״ד:ב׳

    אבלה יהודה ושעריה אמללו קדרו לארץ וצוחת ירושלם עלתה׃

  12. יִרְמְיָהוּ י״ד:ג׳

    ואדריהם שלחו צעוריהם למים באו על גבים לא מצאו מים שבו כליהם ריקם בשו והכלמו וחפו ראשם׃

  13. יִרְמְיָהוּ י״ד:ד׳

    בעבור האדמה חתה כי לא היה גשם בארץ בשו אכרים חפו ראשם׃

  14. יִרְמְיָהוּ י״ד:ה׳

    כי גם אילת בשדה ילדה ועזוב כי לא היה דשא׃

  15. יִרְמְיָהוּ י״ד:ו׳

    ופראים עמדו על שפים שאפו רוח כתנים כלו עיניהם כי אין עשב׃

  16. אֵיכָה ב׳:י״א

    כלו בדמעות עיני חמרמרו מעי נשפך לארץ כבדי על שבר בת עמי בעטף עולל ויונק ברחבות קריה׃

  17. אֵיכָה ב׳:י״ב

    לאמתם יאמרו איה דגן ויין בהתעטפם כחלל ברחבות עיר בהשתפך נפשם אל חיק אמתם׃

  18. אֵיכָה ב׳:י״ג

    מה אעודך מה אדמה לך הבת ירושלם מה אשוה לך ואנחמך בתולת בת ציון כי גדול כים שברך מי ירפא לך׃

  19. אֵיכָה ב׳:י״ד

    נביאיך חזו לך שוא ותפל ולא גלו על עונך להשיב שביתך ויחזו לך משאות שוא ומדוחים׃

  20. אֵיכָה ב׳:ט״ו

    ספקו עליך כפים כל עברי דרך שרקו וינעו ראשם על בת ירושלם הזאת העיר שיאמרו כלילת יפי משוש לכל הארץ׃

  21. אֵיכָה ב׳:ט״ז

    פצו עליך פיהם כל אויביך שרקו ויחרקו שן אמרו בלענו אך זה היום שקוינהו מצאנו ראינו׃

  22. אֵיכָה ב׳:י״ז

    עשה יהוה אשר זמם בצע אמרתו אשר צוה מימי קדם הרס ולא חמל וישמח עליך אויב הרים קרן צריך׃

  23. אֵיכָה ב׳:י״ח

    צעק לבם אל אדני חומת בת ציון הורידי כנחל דמעה יומם ולילה אל תתני פוגת לך אל תדם בת עינך׃

  24. אֵיכָה ב׳:י״ט

    קומי רני בליל לראש אשמרות שפכי כמים לבך נכח פני אדני שאי אליו כפיך על נפש עולליך העטופים ברעב בראש כל חוצות׃

  25. אֵיכָה ב׳:כ׳

    ראה יהוה והביטה למי עוללת כה אם תאכלנה נשים פרים עללי טפחים אם יהרג במקדש אדני כהן ונביא׃